Archives par mot-clé : Seneca

Juvénal 12

Le rire démocritéen du livre 4

Juvénal 10,28-34
iamne igitur laudas quod de sapientibus alter
ridebat, quotiens a limine mouerat unum
protuleratque pedem, flebat contrarius auctor?                                   30
sed facilis cuiuis rigidi censura cachinni:
mirandum est unde ille oculis suffecerit umor.
perpetuo risu pulmonem agitare solebat
Democritus.

La satire 12

Section Ia

natali, Coruine, die mihi dulcior haec lux,
qua festus promissa deis animalia caespes
expectat. niueam Reginae ducimus agnam,
par uellus dabitur pugnanti Gorgone Maura;
sed procul extensum petulans quatit hostia funem                               5
Tarpeio seruata Ioui frontemque coruscat,
quippe ferox uitulus templis maturus et arae
spargendusque mero, quem iam pudet ubera matris
ducere, qui uexat nascenti robora cornu.  
si res ampla domi similisque adfectibus esset,                                     10
pinguior Hispulla traheretur taurus et ipsa
mole piger, nec finitima nutritus in herba,
laeta sed ostendens Clitumni pascua sanguis
et grandi ceruix iret ferienda ministro
ob reditum trepidantis adhuc horrendaque passi                                  15
nuper et incolumem sese mirantis amici.

Section Ib

nam praeter pelagi casus et fulminis ictus
euasit. densae caelum abscondere tenebrae
nube una subitusque antemnas inpulit ignis,
cum se quisque illo percussum crederet et mox                                   20
attonitus nullum conferri posse putaret
naufragium uelis ardentibus (omnia fiunt
talia, tam grauiter, si quando poetica surgit
tempestas). genus ecce aliud discriminis audi
et miserere iterum, quamquam sint cetera sortis                                  25
eiusdem pars dira quidem sed cognita multis
et quam uotiua testantur fana tabella
plurima (pictores quis nescit ab Iside pasci?).
accidit et nostro similis fortuna Catullo.
cum plenus fluctu medius foret alueus et iam                                      30
alternum puppis latus euertentibus undis
arboris incertae, nullam prudentia cani
rectoris cum ferret opem, decidere iactu
coepit cum uentis, imitatus castora, qui se
eunuchum ipse facit cupiens euadere damno                                      35
testiculi: adeo medicatum intellegit inguen.
“fundite quae mea sunt – dicebat – cuncta” Catullus  
praecipitare uolens etiam pulcherrima, uestem
purpuream teneris quoque Maecenatibus aptam,
atque alias quarum generosi graminis ipsum                                       40
infecit natura pecus, sed et egregius fons
uiribus occultis et Baeticus adiuuat aer.
ille nec argentum dubitabat mittere, lances
Parthenio factas, urnae cratera capacem
et dignum sitiente Pholo uel coniuge Fusci;                                        45
adde et bascaudas et mille escaria, multum
caelati, biberat quo callidus emptor Olynthi.
sed quis nunc alius, qua mundi parte quis audet
argento praeferre caput rebusque salutem?
{non propter uitam faciunt patrimonia quidam,                                   50
sed uitio caeci propter patrimonia uiuunt.}
iactatur rerum utilium pars maxima, sed nec
damna leuant. tunc aduersis urguentibus illuc
reccidit ut malum ferro summitteret, ac se
explicat angustum: discriminis ultima, quando                                   55
praesidia adferimus nauem factura minorem.
i nunc et uentis animam committe dolato
confisus ligno, digitis a morte remotus
quattuor aut septem, si sit latissima, taedae;
mox cum reticulis et pane et uentre lagonae                                        60
accipe sumendas in tempestate secures.
sed postquam iacuit planum mare, tempora postquam
prospera uectoris fatumque ualentius euro
et pelago, postquam Parcae meliora benigna
pensa manu ducunt hilares et staminis albi                                          65
lanificae, modica nec multum fortior aura
uentus adest, inopi miserabilis arte cucurrit
uestibus extentis et, quod superauerat unum,
uelo prora suo. iam deficientibus austris
spes uitae cum sole redit. tum gratus Iulo                                           72
atque nouercali sedes praelata Lauino
conspicitur sublimis apex, cui candida nomen
scrofa dedit, laetis Phrygibus mirabile sumen
et numquam uisis triginta clara mamillis.
tandem intrat positas inclusa per aequora moles                                 75
Tyrrhenamque Pharon porrectaque bracchia rursum
quae pelago occurrunt medio longeque relincunt
Italiam; non sic igitur mirabere portus
quos natura dedit. sed trunca puppe magister
interiora petit Baianae peruia cumbae                                                80
tuti stagna sinus, gaudent ubi uertice raso
garrula securi narrare pericula nautae.

75-82 cf. https://tour.portusproject.org/en/maps
Section Ic

ite igitur, pueri, linguis animisque fauentes
sertaque delubris et farra inponite cultris
ac mollis ornate focos glebamque uirentem.                                       85
iam sequar et sacro, quod praestat, rite peracto
inde domum repetam, graciles ubi parua coronas
accipiunt fragili simulacra nitentia cera.
hic nostrum placabo Iouem Laribusque paternis
tura dabo atque omnis uiolae iactabo colores.                                     90
cuncta nitent, longos erexit ianua ramos
et matutinis operatur festa lucernis.

Section II

neu suspecta tibi sint haec, Coruine, Catullus,  
pro cuius reditu tot pono altaria, paruos
tres habet heredes. libet expectare quis aegram                                   95
et claudentem oculos gallinam inpendat amico
tam sterili; uerum haec nimia est inpensa, coturnix
nulla umquam pro patre cadet. sentire calorem
si coepit locuples Gallitta et Pacius orbi,
legitime fixis uestitur tota libellis                                                       100
porticus, existunt qui promittant hecatomben,
quatenus hic non sunt nec uenales elephanti,
nec Latio aut usquam sub nostro sidere talis
belua concipitur, sed furua gente petita
arboribus Rutulis et Turni pascitur agro,                                            105
Caesaris armentum nulli seruire paratum
priuato, siquidem Tyrio parere solebant
Hannibali et nostris ducibus regique Molosso
horum maiores ac dorso ferre cohortis,
partem aliquam belli, et euntem in proelia turrem.                              110
nulla igitur mora per Nouium, mora nulla per Histrum
Pacuuium, quin illud ebur ducatur ad aras
et cadat ante Lares Gallittae uictima sola
tantis digna deis et captatoribus horum.
alter enim, si concedas, mactare uouebit                                            115
de grege seruorum magna et pulcherrima quaeque
corpora, uel pueris et frontibus ancillarum
inponet uittas et, si qua est nubilis illi
Iphigenia domi, dabit hanc altaribus, etsi
non sperat tragicae furtiua piacula ceruae.                                          120
laudo meum ciuem, nec comparo testamento
mille rates; nam si Libitinam euaserit aeger,  
delebit tabulas inclusus carcere nassae
post meritum sane mirandum atque omnia soli
forsan Pacuuio breuiter dabit, ille superbus                                        125
incedet uictis riualibus. ergo uides quam
grande operae pretium faciat iugulata Mycenis.
uiuat Pacuuius quaeso uel Nestora totum,
possideat quantum rapuit Nero, montibus aurum
exaequet, nec amet quemquam nec ametur ab ullo.                             130

102 cf. Horace epist. 2,1,194-198
si foret in terris, rideret Democritus, seu
diuersum confusa genus panthera camelo 195
siue elephans albus uolgi conuerteret ora;
spectaret populum ludis attentius ipsis,
ut sibi praebentem nimio spectacula plura.
130 cf. Cicéron Lael. 52 quis est, pro deorum fidem atque hominum, qui uelit, ut neque diligat quemquam nec ipse ab ullo diligatur, circumfluere omnibus copiis atque in omnium rerum abundantia uiuere?
Le topos de la captatio

Plaute mil. 705-715
quando habeo multos cognatos, quid opu’ sit mihi liberis?
nunc bene uivo et fortunate atque ut uolo atque animo ut lubet.
mea bona in morti cognatis didam, inter eos partiam.
i apud me aderunt, me curabunt, uisent quid agam, ecquid uelim.
priu’ quam lucet adsunt, rogitant noctu ut somnum ceperim.
eos pro liberis habebo qui mihi mittunt munera.                                             710
sacruficant: dant inde partem mihi maiorem quam sibi,
abducunt ad exta; me ad se ad prandium, ad cenam uocant;
ille miserrumum se retur minimum qui misit mihi.
illi inter se certant donis, egomet mecum mussito:
bona mea inhiant, me certatim nutricant et munerant.

Horace sat. 2,5,20-31 ; 42-44 et 55-57
… “fortem hoc animum tolerare iubebo,
et quondam maiora tuli. tu protinus, unde
diuitias aerisque ruam, dic, augur, aceruos”.
“dixi equidem et dico: captes astutus ubique
testamenta senum neu, si uafer unus et alter
insidiatorem praeroso fugerit hamo,                                             25
aut spem deponas aut artem inlusus omittas.
magna minorue foro si res certabitur olim,
uiuet uter locuples sine gnatis, inprobus, ultro
qui meliorem audax uocet in ius, illius esto
defensor; fama ciuem causaque priorem                                       30
sperne, domi si gnatus erit fecundaue coniux.

‘nonne uides – aliquis cubito stantem prope tangens                      42
inquiet, – ut patiens, ut amicis aptus, ut acer?’
plures adnabunt thynni et cetaria crescent.

… plerumque recoctus                                                                55
scriba ex quinqueuiro coruum deludet hiantem
captatorque dabit risus Nasica Corano”.

Pline le Jeune epist. 8,18,1-2 (à Rufinus) falsum est nimirum quod creditur uulgo, testamenta hominum speculum esse morum, cum Domitius Tullus longe melior adparuerit morte quam uita. (2.) nam cum se captandum praebuisset, reliquit filiam heredem, quae illi cum fratre communis, quia genitam fratre adoptauerat. prosecutus est nepotes plurimis iucundissimisque legatis, prosecutus etiam proneptem. in summa omnia pietate plenissima ac tanto magis inexspectata sunt

Martial 6,63
scis te captari, scis hunc qui captat, auarum,
 et scis qui captat, quid, Mariane, uelit.
tu tamen hunc tabulis heredem, stulte, supremis
  scribis et esse tuo uis, furiose, loco.
munera magna tamen misit”. sed misit in hamo;                         5
  et piscatorem piscis amare potest?
hicine deflebit uero tua fata dolore?
  si cupis, ut ploret, des, Mariane, nihil.

Pétrone 124,2 ubi [sc. Crotone] quidem paruo deuersorio refecti, postero die amplioris fortunae domum quaerentes incidimus in turbam heredipetarum sciscitantium quod genus hominum aut unde ueniremus.

Schol. Iuu. 3,129 uigilantibus orbis] ad quos heredipeta<e ueniunt>.

Martial 11,44
orbus es et locuples et Bruto consule natus:
  esse tibi ueras credis amicitias?
sunt uerae, sed quas iuuenis, quas pauper habebas.
  qui nouus est, mortem diligit ille tuam.

Martial 12,40
mentiris, credo: recitas mala carmina, laudo:
  cantas, canto: bibis, Pontiliane, bibo:
pedis, dissimulo: gemma uis ludere, uincor:
  res una est, sine me quam facis, et taceo.  
nil tamen omnino praestas mihi. “mortuus – inquis –
  accipiam bene te”. nil uolo: sed morere.

Martial 12,90
pro sene, sed clare, uotum Maro fecit amico,
  cui grauis et feruens hemitritaeos erat,
si Stygias aeger non esset missus ad umbras,
  ut caderet magno uictima grata Ioui.
coeperunt certam medici spondere salutem.
  ne uotum soluat, nunc Maro uota facit.

Épictète diss. 4,1,148 σοῦ δὲ τίς ἀνάσχοιτο τῶν γραῶν ἐρῶντος καὶ τῶν γερόντων καὶ ἐκείνας ἀπομύσσοντος καὶ ἀποπλύνοντος καὶ δωροδοκοῦντος καὶ ἅμα μὲν νοσούσας θεραπεύοντος ὡς δούλου, ἅμα δ’ ἀποθανεῖν εὐχομένου καὶ τοὺς ἰατροὺς διακρίνοντος, εἰ ἤδη θανασίμως ἔχουσιν;

Lucien dial. mort. 18 (8) [Κ] — Ἑρμόλαον τὸν πάνυ πλούσιον ἄτεκνον ὄντα ἐθεράπευον ἐπὶ θανάτῳ, κἀκεῖνος οὐκ ἀηδῶς τὴν θεραπείαν προσίετο. ἔδοξε δή μοι καὶ σοφὸν τοῦτο εἶναι, θέσθαι διαθήκας εἰς τὸ φανερόν, ἐν αἷς ἐκείνῳ καταλέλοιπα τἀμὰ πάντα, ὡς κἀκεῖνος ζηλώσειεν καὶ τὰ αὐτὰ πράξειεν. [Δ] — τί οὖν δὴ ἐκεῖνος;  [Κ] — ὅ τι μὲν αὐτὸς ἐνέγραψεν ταῖς ἑαυτοῦ διαθήκαις οὐκ οἶδα· ἐγὼ γοῦν ἄφνω ἀπέθανον τοῦ τέγους μοι ἐπιπεσόντος, καὶ νῦν Ἑρμόλαος ἔχει τἀμὰ ὥσπερ τις λάβραξ καὶ τὸ ἄγκιστρον τῷ δελέατι συγκατασπάσας.  [Δ] — οὐ μόνον, ἀλλὰ καὶ αὐτόν σε τὸν ἁλιέα· ὥστε τὸ σόφισμα κατὰ σαυτοῦ συντέθεικας.

Sénèque epist. 95,43 amico aliquis aegro adsidet: probamus. at hoc hereditatis causa facit: uultur est, cadauer expectat. eadem aut turpia sunt aut honesta: refert quare aut quemadmodum fiant.

Sénèque ben. 4,20,3 ingratus est, qui in referenda gratia secundum datum uidet, qui sperat, cum reddit; ingratum uoco, qui aegro adsidit, quia testamentum facturus est, cui de hereditate aut de legato uacat cogitare. faciat licet omnia, quae facere bonus amicus et memor officii debet: si animo eius obuersatur spes lucri, captator est et hamum iacit; ut aues, quae laceratione corporum aluntur, lassa morbo pecora et casura ex proximo speculantur, ita hic inminet morti et circa cadauer uolat.

Martial 9,9
nil tibi legauit Fabius, Bithynice, cui tu
  annua, si memini, milia sena dabas.
plus nulli dedit ille: queri, Bithynice, noli:
  annua legauit milia sena tibi.

Pline nat. 14,5 postquam senator censu legi coeptus, iudex fieri censu, magistratum ducemque nihil magis exornare quam census, postquam coepere orbitas in auctoritate summa et potentia esse, captatio in quaestu fertilissimo ac sola gaudia in possidendo, pessum iere uitae pretia omnesque a maximo bono liberales dictae artes in contrarium cecidere ac seruitute sola profici coeptum.

[Longin] 44,9 ὅπου δὲ ἡμῶν ἑκάστου τοὺς ὅλους ἤδη βίους δεκασμοὶ βραβεύουσι καὶ ἀλλοτρίων θῆραι θανάτων καὶ ἐνέδραι διαθηκῶν, τὸ δ’ ἐκ τοῦ παντὸς κερδαίνειν ὠνούμεθα τῆς ψυχῆς ἕκαστος πρὸς τῆς <φιλοχρηματίας> ἠνδραποδισμένοι, ἆρα δὴ ἐν τῇ τοσαύτῃ λοιμικῇ τοῦ βίου διαφθορᾷ δοκοῦμεν ἔτι ἐλεύθερόν τινα κριτὴν τῶν μεγάλων ἢ διηκόντων πρὸς τὸν αἰῶνα κἀδέκαστον ἀπολελεῖφθαι καὶ μὴ καταρχαιρεσιάζεσθαι πρὸς τῆς τοῦ πλεονεκτεῖν ἐπιθυμίας;

Pétrone 116,6-9 in hac enim urbe non litterarum studia celebrantur, non eloquentia locum habet, non frugalitas sanctique mores laudibus ad fructum perueniunt, sed quoscumque homines in hac urbe uideritis, scitote in duas partes esse diuisos. (7.) nam aut captantur aut captant. in hac urbe nemo liberos tollit, quia quisquis suos heredes habet, non ad cenas, non ad spectacula admittitur, sed omnibus prohibetur commodis, inter ignominiosos latitat. (8.) qui uero nec uxorem umquam duxerunt nec proximas necessitudines habent, ad summos honores perueniunt, id est soli militares, soli fortissimi atque etiam innocentes habentur. (9.) adibitis – inquit – oppidum tamquam in pestilentia campos, in quibus nihil aliud est nisi cadauera quae lacerantur aut corui qui lacerant.

 

Juvénal 7,98-243

Les historiens (98-104)

uester porro labor fecundior, historiarum
scriptores? perit hic plus temporis atque olei plus.
nullo quippe modo millensima pagina surgit                                      100
omnibus et crescit multa damnosa papyro;
sic ingens rerum numerus iubet atque operum lex.
quae tamen inde seges? terrae quis fructus apertae?
quis dabit historico quantum daret acta legenti?

Tacite dial. 4,2 … ut omissis forensium causarum angustiis, in quibus mihi satis superque sudatum est, sanctiorem illam et augustiorem eloquentiam colam.

Tacite dial. 10,5 cum natura tua [sc. Materni] in ipsam arcem eloquentiae ferat.

Suétone frg. 104 Reifferscheid ap. Isid. orig. 6,12,1 quaedam genera librorum certis modulis conficiebantur: breuiori forma carmina atque epistulae, at uero historiae maiori modulo scribebantur.

Les avocats (105-149)

“sed genus ignauum, quod lecto gaudet et umbra”.
dic igitur quid causidicis ciuilia praestent
officia et magno comites in fasce libelli.
ipsi magna sonant, sed tum cum creditor audit
praecipue, uel si tetigit latus acrior illo
qui uenit ad dubium grandi cum codice nomen.                                  110
tunc inmensa caui spirant mendacia folles
conspuiturque sinus; ueram deprendere messem  
si libet, hinc centum patrimonia causidicorum,
parte alia solum russati pone Lacertae.
consedere duces, surgis tu pallidus Aiax                                             115
dicturus dubia pro libertate bubulco
iudice. rumpe miser tensum iecur, ut tibi lasso
figantur uirides, scalarum gloria, palmae.
quod uocis pretium? siccus petasunculus et uas
pelamydum aut ueteres, Maurorum epimenia, bulbi                            120
aut uinum Tiberi deuectum, quinque lagonae.
si quater egisti, si contigit aureus unus,
inde cadunt partes ex foedere pragmaticorum.
“Aemilio dabitur quantum licet, et melius nos
egimus”. huius enim stat currus aeneus, alti                                        125
quadriiuges in uestibulis, atque ipse feroci
bellatore sedens curuatum hastile minatur
eminus et statua meditatur proelia lusca.
sic Pedo conturbat, Matho deficit, exitus hic est
Tongilii, magno cum rhinocerote lauari                                              130
qui solet et uexat lutulenta balnea turba
perque forum iuuenes longo premit assere Maedos
empturus pueros, argentum, murrina, uillas;
spondet enim Tyrio stlattaria purpura filo.
{et tamen est illis hoc utile. purpura uendit}                                       135
causidicum uendunt amethystina; conuenit illi
et strepitu et facie maioris uiuere census,
sed finem inpensae non seruat prodiga Roma.  
fidimus eloquio? Ciceroni nemo ducentos
nunc dederit nummos, nisi fulserit anulus ingens.                               140
respicit haec primum qui litigat, an tibi serui
octo, decem comites, an post te sella, togati
ante pedes. ideo conducta Paulus agebat
sardonyche, atque ideo pluris quam Gallus agebat,
quam Basilus. rara in tenui facundia panno.                                        145
quando licet Basilo flentem producere matrem?
quis bene dicentem Basilum ferat? accipiat te
Gallia uel potius nutricula causidicorum
Africa, si placuit mercedem ponere linguae.

Tacite dial. 1,1 saepe ex me requiris, Iuste Fabi, cur, cum priora saecula tot eminentium oratorum ingeniis gloriaque floruerint, nostra potissimum aetas deserta et laude eloquentiae orbata uix nomen ipsum oratoris retineat; neque enim ita appellamus nisi antiquos, horum autem temporum diserti causidici et aduocati et patroni et quiduis potius quam oratores uocantur.

Les enseignants 1 (les rhéteurs : 150-214)

declamare doces? o ferrea pectora Vetti,
cum perimit saeuos classis numerosa tyrannos.
nam quaecumque sedens modo legerat, haec eadem stans
perferet atque eadem cantabit uersibus isdem.
occidit miseros crambe repetita magistros.
quis color et quod sit causae genus atque ubi summa                           155
quaestio, quae ueniant diuersa parte sagittae,
nosse uolunt omnes, mercedem soluere nemo.
“mercedem appellas? quid enim scio?” “culpa docentis
scilicet arguitur, quod laeuae parte mamillae
nil salit Arcadico iuueni, cuius mihi sexta                                           160
quaque die miserum dirus caput Hannibal inplet,  
quidquid id est de quo deliberat, an petat urbem
a Cannis, an post nimbos et fulmina cautus
circumagat madidas a tempestate cohortes.
quantum uis stipulare et protinus accipe: quid do                                165
ut totiens illum pater audiat?” haec alii sex
uel plures uno conclamant ore sophistae
et ueras agitant lites raptore relicto;
fusa uenena silent, malus ingratusque maritus
et quae iam ueteres sanant mortaria caecos.                                        170
ergo sibi dabit ipse rudem, si nostra mouebunt
consilia, et uitae diuersum iter ingredietur
ad pugnam qui rhetorica descendit ab umbra,
summula ne pereat qua uilis tessera uenit
frumenti; quippe haec merces lautissima. tempta                                175
Chrysogonus quanti doceat uel Pollio quanti
lautorum pueros, artem scindes Theodori.
balnea sescentis et pluris porticus in qua
gestetur dominus quotiens pluit. anne serenum
expectet spargatque luto iumenta recenti?                                          180
hic potius, namque hic mundae nitet ungula mulae.
parte alia longis Numidarum fulta columnis
surgat et algentem rapiat cenatio solem.
quanticumque domus, ueniet qui fercula docte
conponit, ueniet qui pulmentaria condit.                                             185
hos inter sumptus sestertia Quintiliano,
ut multum, duo sufficient: res nulla minoris
constabit patri quam filius. “unde igitur tot
Quintilianus habet saltus?” exempla nouorum  
fatorum transi. felix et pulcher et acer,                                               190
felix et sapiens et nobilis et generosus
adpositam nigrae lunam subtexit alutae,
felix orator quoque maximus et iaculator
et, si perfrixit, cantat bene. distat enim quae
sidera te excipiant modo primos incipientem                                      195
edere uagitus et adhuc a matre rubentem.
si Fortuna uolet, fies de rhetore consul;
si uolet haec eadem, fiet de consule rhetor.
Ventidius quid enim? quid Tullius? anne aliud quam
sidus et occulti miranda potentia fati?                                                200
seruis regna dabunt, captiuis fata triumphum.
felix ille tamen coruo quoque rarior albo.
paenituit multos uanae sterilisque cathedrae,
sicut Tharsimachi probat exitus atque Secundi
Carrinatis; et hunc inopem uidistis, Athenae,                                      205
nil praeter gelidas ausae conferre cicutas.
di maiorum umbris tenuem et sine pondere terram
spirantisque crocos et in urna perpetuum uer,
qui praeceptorem sancti uoluere parentis
esse loco. metuens uirgae iam grandis Achilles                                   210
cantabat patriis in montibus et cui non tunc
eliceret risum citharoedi cauda magistri;
sed Rufum atque alios caedit sua quemque iuuentus,
Rufum, quem totiens Ciceronem Allobroga dixit.

Les enseignants 2 (les grammairiens : 215-243)

quis gremio Celadi doctique Palaemonis adfert
quantum grammaticus meruit labor? et tamen ex hoc,
quodcumque est (minus est autem quam rhetoris aera),  
discipuli custos praemordet acoenonoetus
et qui dispensat frangit sibi. cede, Palaemon,
et patere inde aliquid decrescere, non aliter quam                               220
institor hibernae tegetis niueique cadurci,
dummodo non pereat mediae quod noctis ab hora
sedisti, qua nemo faber, qua nemo sederet
qui docet obliquo lanam deducere ferro,
dummodo non pereat totidem olfecisse lucernas                                 225
quot stabant pueri, cum totus decolor esset
Flaccus et haereret nigro fuligo Maroni.
rara tamen merces quae cognitione tribuni
non egeat. sed uos saeuas inponite leges,
ut praeceptori uerborum regula constet,                                              230
ut legat historias, auctores nouerit omnes
tamquam ungues digitosque suos, ut forte rogatus,
dum petit aut thermas aut Phoebi balnea, dicat
nutricem Anchisae, nomen patriamque nouercae
Anchemoli, dicat quot Acestes uixerit annis,                                      235
quot Siculi Phrygibus uini donauerit urnas.
exigite ut mores teneros ceu pollice ducat,
ut si quis cera uoltum facit; exigite ut sit
et pater ipsius coetus, ne turpia ludant,
ne faciant uicibus. non est leue tot puerorum                                      240
obseruare manus oculosque in fine trementis.
“haec – inquit – cura; sed cum se uerterit annus,
accipe, uictori populus quod postulat, aurum”.  

La décadence des arts libéraux

  • Sénèque epist. 88,1 de liberalibus studiis quid sentiam scire desideras: nullum suspicio, nullum in bonis numero quod ad aes exit. Meritoria artificia sunt, hactenus utilia si praeparant ingenium, non detinent.
  • Sénèque epist. 88,37 in his libris [sc. Didymi grammatici] de patria Homeri quaeritur, in his de Aeneae matre uera, in his libidinosior Anacreon an ebriosior uixerit, in his an Sappho publica fuerit, et alia quae erant dediscenda si scires.
  • Perse prol. 8-14
    quis expediuit psittaco suum “chaere”
    picamque docuit nostra uerba conari?
    magister artis ingenique largitor
    uenter, negatas artifex sequi uoces.
    quod si dolosi spes refulserit nummi,
    coruos poetas et poetridas picas
    cantare credas Pegaseium nectar.

Un dialogue à distance avec des auteurs contemporains

Pline le Jeune

Pline epist. 1,13 1. 4-5 (à Sosius Sénécio) magnum prouentum poetarum annus hic attulit: toto mense Aprili nullus fere dies, quo non recitaret aliquis. Iuuat me quod uigent studia, proferunt se ingenia hominum et ostentant, tametsi ad audiendum pigre coitur. […] (4.) nunc otiosissimus quisque multo ante rogatus et identidem admonitus aut non uenit aut, si uenit, queritur se diem, quia non perdidit, perdidisse. (5.) sed tanto magis laudandi probandique sunt, quos a scribendi recitandique studio haec auditorum uel desidia uel superbia non retardat. equidem prope nemini defui. erant sane plerique amici; neque enim est fere quisquam, qui studia, ut non simul et nos amet.

Pline epist. 1,10,1 (à Attius Clemens) si quando urbs nostra liberalibus studiis floruit, nunc maxime floret, multa claraque exempla sunt.

Tacite

Tacite dial. 40,2 est magna illa et notabilis eloquentia alumna licentiae, quam stulti libertatem uocitant, comes seditionum, effrenati populi incitamentum.

Tacite dial. 29,3 iam uero propria et peculiaria huius urbis uitia paene in utero matris concipi mihi uidentur, histrionalis fauor et gladiatorum equorumque studia: quibus occupatus et obsessus animus quantulum loci bonis artibus relinquit?

 

Juvénal 7,1-35

1-7

et spes et ratio studiorum in Caesare tantum;
solus enim tristes hac tempestate Camenas
respexit, cum iam celebres notique poetae
balneolum Gabiis, Romae conducere furnos  
temptarent, nec foedum alii nec turpe putarent                              5
praecones fieri, cum desertis Aganippes
uallibus esuriens migraret in atria Clio.

Le rapport avec Callimaque
  • Callimaque frg. 191,92 Pfeiffer
    μοῦνος εἷλε τὰς [Μο]ύ̣σας
  • schol. Flor. (PSI 1219 frg. 1) 15-20
    [ὡς κ]ατ’ ὄναρ ς(υμ)μείξας ταῖς Μούς[αις ἐν Ἑ-]
    [λι]κ̣ῶνι εἰλήφοι π(αρ’ α)ὐτ(ῶν) τ(ὴν) τ(ῶν) αἰτίων [ἐξήγη-]
    [σιν ἀ]ρ̣τ̣ιγένειο̣σ̣ ὤν̣, ωνκ̣´ῦ̣ε̣μνησε̣
    […. ἀ]π̣’ αὐτ(ῶν) ἀ̣ρχὴ̣[ν] λ̣αβὼ̣ν̣ ε´ος´α[……]
    [            ].λόγου<
  • AP 7,42
    ἆ μέγα Βαττιάδαο σοφοῦ περίπυστον ὄνειαρ,
      ἦ ῥ’ ἐτεὸν κεράων οὐδ’ ἐλέφαντος ἔης.
    τοῖα γὰρ ἄμμιν ἔφηνας, ἅτ’ οὐ πάρος ἀνέρες ἴδμεν
      ἀμφί τε ἀθανάτους ἀμφί τε ἡμιθέους,
    εὖτέ μιν ἐκ Λιβύης ἀναείρας εἰς Ἑλικῶνα
      ἤγαγες ἐν μέσσαις Πιερίδεσσι φέρων·
    αἱ δέ οἱ εἰρομένῳ ἀμφ’ ὠγυγίων ἡρώων
      Αἴτια καὶ μακάρων εἶρον ἀμειβόμεναι.
  • Callimaque frg. 1e Pfeiffer
    Ἀγανίππη
  • Callimaque frg. 2 Pfeiffer (P.Oxy. 2208)
    ποιμ⌋ένι μῆλα νέμ̣⌊οντι παρ’ ἴχνιον ὀξέος ἵππου
      Ἡσιόδ⌋ῳ Μουσέων ἑσμὸ⌊ς ὅτ’ ἠντίασεν
         μ]έ̣ν οἱ Χάεος γενεσ̣[
           ]ἐπὶ πτέρν̣ης ὑδα[
    τεύχω⌋ν ὡς ἑτέρῳ τις ἑῷ ⌊κακὸν ἥπατι τεύχει 
                    ]ῶ ζώειν ἄξιον α[
            ].εν πάντες σε· τὸ γα[
              ].δε πρήσσειν εὐμα
      ]..ι̣π̣ὰ̣.῾[..].[
  • Callimaque frg. 3 Pfeiffer
    ….].τ̣α […………..]..κῶς ἄν̣[ις αὐλῶν
    ⌞ῥέζειν καὶ στεφέων εὔαδε τῷ Παρίῳ⌟
  • schol. Flor. (PSI 1219 frg. 3) 29-30
    τ̣[αῦ-]
    τά τε ο(ὖν) π(αρὰ) Κλειοῦς φησιν ἀκη[κο]ένα[ι]
  • Callimaque frg. 112,9 Pfeiffer
    αὐτὰρ ἐγὼ Μουσέων πεζὸν̣ [ἔ]πειμι νομόν.
  • Horace sat. 2,6,16-17
    ergo ubi me in montes et in arcem ex urbe remoui,
    quid prius inlustrem saturis musaque pedestri?

8-35

nam si Pieria quadrans tibi nullus in umbra
ostendatur, ames nomen uictumque Machaerae
et uendas potius commissa quod auctio uendit                              10
stantibus, oenophorum, tripedes, armaria, cistas,
Alcithoen Pacci, Thebas et Terea Fausti.
hoc satius quam si dicas sub iudice “uidi”
quod non uidisti; faciant equites Asiani,
{quamquam et Cappadoces faciant equitesque Bithyni}               15
altera quos nudo traducit gallica talo.
nemo tamen studiis indignum ferre laborem
cogetur posthac, nectit quicumque canoris
eloquium uocale modis laurumque momordit.
hoc agite, o iuuenes. circumspicit et stimulat uos                          20
materiamque sibi ducis indulgentia quaerit.
si qua aliunde putas rerum expectanda tuarum
praesidia atque ideo croceae membrana tabellae
impletur, lignorum aliquid posce ocius et quae
componis dona Veneris, Telesine, marito,                                     25
aut clude et positos tinea pertunde libellos.
frange miser calamum uigilataque proelia dele,
qui facis in parua sublimia carmina cella,
ut dignus uenias hederis et imagine macra.
spes nulla ulterior; didicit iam diues auarus                                   30
tantum admirari, tantum laudare disertos,
ut pueri Iunonis auem. sed defluit aetas
et pelagi patiens et cassidis atque ligonis.
taedia tunc subeunt animos, tunc seque suamque
Terpsichoren odit facunda et nuda senectus.                                  35

32 cf. Callimaque frg. 1,5-6 Pfeiffer
ἔπος δ' ἐπὶ τυτθὸν ἑλ[ίσσω
  παῖς ἅτ⌋ε, τῶν δ' ἐτέων ἡ δεκὰ⌊ς⌋ οὐκ ὀλίγη.
La muse mercenaire

Pindare isth. 2,9-14
ἁ Μοῖσα γὰρ οὐ φιλοκερδής
πω τότ’ ἦν οὐδ’ ἐργάτις·
οὐδ’ ἐπέρναντο γˈλυκεῖ-
αι μελιφθόγγου ποτὶ Τερψιχόρας
ἀργυρωθεῖσαι πρόσωπα μαλθακόφωνοι ἀοιδαί.

Callimaque frg. 222 Pfeiffer
οὐ γὰρ ἐργάτιν τρέφω
τὴν Μοῦσαν, ὡς ὁ Κεῖος Ὑλίχου νέπους

Les taedia (v. 34) et le genre περὶ εὐθυμίας

Démocrite frg. B3 Diels–Kranz ap. Sen. tranq. an. 13,1 hoc secutum puto Democritum ita coepisse: « qui tranquille uolet uiuere nec priuatim agat multa nec publice », ad superuacua scilicet referentem.

Sénèque tranq. anim. 2,6-7 omnes in eadem causa sunt […] statum uitae suae reformando subinde in eo nouissime manent in quo illos non mutandi odium sed senectus ad nouandum pigra deprendit. adice et illos qui non constantiae uitio parum leues sunt sed inertiae, et uiuunt non quomodo uolunt sed quomodo coeperunt (7.) innumerabiles deinceps proprietates sunt sed unus effectus uitii, sibi displicere. hoc oritur ab intemperie animi et cupiditatibus timidis aut parum prosperis, ubi aut non audent quantum concupiscunt aut non consequuntur et in spem toti prominent; semper instabiles mobilesque sunt, quod necesse est accidere pendentibus.

Sénèque anim. 2,10-11 hinc illud est taedium et displicentia sui et nusquam residentis animi uolutatio et otii sui tristis atque aegra patientia, utique ubi causas fateri pudet et tormenta introsus egit uerecundia, in angusto inclusae cupiditates sine exitu se ipsae strangulant. inde maeror marcorque et mille fluctus mentis incertae, quam spes inchoatae suspensam habent, deploratae tristem; inde ille adfectus otium suum detestantium querentiumque nihil ipsos habere quod agant et alienis incrementis inimicissima inuidia. alit enim liuorem infelix inertia et omnes destrui cupiunt, quia se non potuere prouehere; (11.) ex hac deinde auersatione alienorum processuum et suorum desperatione obirascens fortunae animus et de saeculo querens et in angulos se retrahens et poenae incubans suae, dum illum taedet sui pigetque.

Le λόγος ἀποτρεπτικός de Calpurnius Siculus

Calpurnius Siculus ecl. 4,23-28
frange, puer, calamos et inanes desere Musas;
i, potius glandes rubicundaque collige corna,
duc ad mulctra greges et lac uenale per urbem                                    25
non tacitus porta. quid enim tibi fistula reddet,
quo tutere famem? certe mea carmina nemo
praeter ab his scopulis uentosa remurmurat echo.

 

Juvénal 1,81-146

La farrago satirique

ex quo Deucalion nimbis tollentibus aequor
nauigio montem ascendit sortesque poposcit
paulatimque anima caluerunt mollia saxa  
et maribus nudas ostendit Pyrrha puellas,
quidquid agunt homines, uotum, timor, ira, uoluptas,                    85
gaudia, discursus, nostri farrago libelli est.

Varron rust. 1,31,5 <farrago> contra ex segete ubi sata admixta hordeum et uicia et legumina pabuli causa uiride aut quo<d> {fart} ferro caesa ferrago dicta, aut inde, quod primum in farracia segete seri coepta. eo equi et iumenta cetera uerno tempore purgantur ac saginantur.

Diomède GL i 485,30-486,13 satira dicitur carmen apud Romanos nunc quidem maledicum et ad carpenda hominum uitia archaeae comoediae charactere conpositum, quale scripserunt Lucilius et Horatius et Persius. et olim carmen quod ex uariis poematibus constabat satira uocabatur, quale scripserunt Pacuuius et Ennius. satira autem dicta siue a Satyris, quod similiter in hoc carmine ridiculae res pudendaeque dicuntur, quae uelut a Satyris proferuntur et fiunt: siue satura a lance quae referta uariis multisque primitiis in sacro apud priscos dis inferebatur et a copia ac saturitate rei satura uocabatur; […] siue a quodam genere farciminis, quod multis rebus refertum saturam dicit Varro uocitatum. est autem hoc positum in secundo libro Plautinarum  quaestionum [GRFF 52 = frg. 50 Goetz–Schoell], «satura est uua passa et polenta et nuclei pini ex mulso consparsi». ad haec alii addunt et de malo punico grana. alii autem dictam putant a lege satura, quae uno rogatu multa simul conprehendat, quod scilicet et satura carmine multa simul poemata conprehenduntur.

La satire de l’argent

et quando uberior uitiorum copia? quando
maior auaritiae patuit sinus? alea quando
hos animos? neque enim loculis comitantibus itur
ad casum tabulae, posita sed luditur arca.                                      90
proelia quanta illic dispensatore uidebis
armigero! simplexne furor sestertia centum
perdere et horrenti tunicam non reddere seruo?
quis totidem erexit uillas, quis fercula septem
secreto cenauit auus? nunc sportula primo                                     95
limine parua sedet turbae rapienda togatae.
ille tamen faciem prius inspicit et trepidat ne
suppositus uenias ac falso nomine poscas:
agnitus accipies. iubet a praecone uocari
ipsos Troiugenas, nam uexant limen et ipsi                                   100
nobiscum. “da praetori, da deinde tribuno”.
sed libertinus prior est. “prior – inquit – ego adsum.
cur timeam dubitemue locum defendere, quamuis
natus ad Euphraten, molles quod in aure fenestrae
arguerint, licet ipse negem? sed quinque tabernae                         105
quadringenta parant. quid confert purpura maior
optandum, si Laurenti custodit in agro
conductas Coruinus ouis, ego possideo plus
Pallante et Licinis?” expectent ergo tribuni,
uincant diuitiae, sacro ne cedat honori                                           110
nuper in hanc urbem pedibus qui uenerat albis,
quandoquidem inter nos sanctissima diuitiarum
maiestas, etsi funesta Pecunia templo  
nondum habitat, nullas nummorum ereximus aras,
ut colitur Pax atque Fides, Victoria, Virtus                                    115
quaeque salutato crepitat Concordia nido.

116 : cf. [Probus] p. 13 Wessner ap. Valla Placentinus ad Iuu. 1,116 templum Concordiae – inquit Probus – est uuetus, in quo ciconia multa est. aut quae uenientibus salutatum concordiae crepitu consensum prodebant. et satyrice salutato nido, non templo Concordiae. crepitat rostro ciconia scilicet quae concussione rostri sonitum pacis uidetur reddere.

sed cum summus honor finito conputet anno,
sportula quid referat, quantum rationibus addat,
quid facient comites quibus hinc toga, calceus hinc est
et panis fumusque domi? densissima centum                                120
quadrantes lectica petit, sequiturque maritum
languida uel praegnas et circumducitur uxor.
hic petit absenti nota iam callidus arte
ostendens uacuam et clausam pro coniuge sellam.
“Galla mea est – inquit – citius dimitte. moraris?                          125
profer, Galla, caput” — “noli uexare, quiescet”.
ipse dies pulchro distinguitur ordine rerum:
sportula, deinde forum iurisque peritus Apollo
atque triumphales, inter quas ausus habere
nescio quis titulos Aegyptius atque Arabarches,                            130
cuius ad effigiem non tantum meiiere fas est.
uestibulis abeunt ueteres lassique clientes
uotaque deponunt, quamquam longissima cenae
spes homini; caulis miseris atque ignis emendus.

Le rex μονόφαγος 

optima siluarum interea pelagique uorabit                                     135
rex horum uacuisque toris tantum ipse iacebit.
nam de tot pulchris et latis orbibus et tam
antiquis una comedunt patrimonia mensa.
nullus iam parasitus erit. sed quis ferat istas
luxuriae sordes? quanta est gula quae sibi totos                             140
ponit apros, animal propter conuiuia natum!
poena tamen praesens, cum tu deponis amictus  
turgidus et crudum pauonem in balnea portas.
hinc subitae mortes atque intestata senectus.
it noua nec tristis per cunctas fabula cenas;                                   145
ducitur iratis plaudendum funus amicis.

Horace epist. 1,6,61-62
crudi tumidique lauemur,
quid deceat, quid non, obliti.

Perse 3,98-106
turgidus hic epulis atque albo uentre lauatur,
gutture sulpureas lente exhalante mefites.
sed tremor inter uina subit calidumque trientem                                  100
excutit e manibus, dentes crepuere retecti,
uncta cadunt laxis tunc pulmentaria labris.
hinc tuba, candelae, tandemque beatulus alto
conpositus lecto crassisque lutatus amomis
in portam rigidas calces extendit. at illum                                           105
hesterni capite induto subiere Quirites.

Pline nat. 29,26 illa autem, quae timuit Cato [cf. ad M. filium frg. 1 Cugusi-Sblendorio Cugusi] atque prouidit, innocentiora multo et parua opinatu, quae proceres artis eius de semet ipsi fateantur, illa perdidere imperii mores, illa, quae sani patimur, luctatus, ceromata ceu ualitudinis causa instituta, balineae ardentes, quibus persuasere in corporibus cibos coqui, ut nemo non minus ualidus exiret, oboedientissimi uero efferrentur.

L’argent dans le moralisme romain et la tradition diatribique

Sénèque epist. 25,4 nihil ex his quae habemus necessarium est. ad legem naturae reuertamur; diuitiae paratae sunt. aut gratuitum est quo egemus, aut uile: panem et aquam natura desiderat. nemo ad haec pauper est, intra quae quisquis desiderium suum clusit cum ipso Ioue de felicitate contendat.

Sénèque epist. 2,6 illa uero non est paupertas, si laeta est: non qui parum habet, sed qui plus cupit, pauper est.

Sénèque epist. 62,3 breuissima ad diuitias per contemptum diuitiarum uia est. Demetrius autem noster sic uiuit, non tamquam contempserit omnia, sed tamquam aliis habenda permiserit.

Sénèque epist. 5,6 magnus ille est qui fictilibus sic utitur quemadmodum argento, nec ille minor est qui sic argento utitur quemadmodum fictilibus; infirmi animi est pati non posse diuitias.

Sénèque epist. 18,8 ne inparatos fortuna deprehendat, fiat nobis paupertas familiaris; securius diuites erimus si scierimus quam non sit graue pauperes esse.

Acte 5 (879-1027)

Le messager et le chœur

{NVNTIVS} periere cuncta, concidit regni status;                                                        ia3
nata atque genitor cinere permixto iacent.                                                                  880
{CHORVS} qua fraude capti? {NVN.} qua solent reges capi:
donis. {CHO.} in illis esse quis potuit dolus?
{NVN.} et ipse miror uixque iam facto malo
potuisse fieri credo. {CHO.} quis cladis modus?
{NVN.} auidus per omnem regiae partem furit                                                           885
ut iussus ignis: iam domus tota occidit,
urbi timetur. {CHO.} unda flammas opprimat.
{NVN.} et hoc in ista clade mirandum accidit:
alit unda flammas, quoque prohibetur magis,
magis ardet ignis; ipsa praesidia occupat.                                                                  890

879-880 cf. Euripide Med. 1125-1126 ὄλωλεν ἡ τύραννος ἀρτίως κόρη | Κρέων θ' ὁ φύσας φαρμάκων τῶν σῶν ὕπο « Ils sont morts à l’instant, le jeune princesse et Créon son père, victimes de tes poisons » ; 1220-122 κεῖνται δὲ νεκροὶ παῖς τε καὶ γέρων πατήρ | πέλας, ποθεινὴ δακρύοισι συμφορά « Ils gisent morts, la fille et le vieux père, côte à côte, catastrophe faite à souhait pour les larmes » (trad. L. Méridier)

880 cinere permixto : cf. 147 alto cinere cumulabo domum 

885-890 pour la description de l'incendie cf. Ovide met. 7,394-395 sed postquam Colchis arsit noua nupta uenenis | flagrantemque domum regis mare uidit utrumque ; ibis 601-602 natus ut Althaeae flammis absentibus arsit, | sic tuus ardescat stipitis igne rogus

886 ut iussus codd. : immissus Gronovius, Zwierlein

La brièveté de ce récit contraste avec la longueur de celui du messager d’Euripide (Med. 1136-1230), qui fournit un récit détaillé de la mort de Créuse et de Créon. Sénèque choisit de limiter l’importance de cette partie du mythe (il avait d’ailleurs annoncé la façon dont Créuse serait morte dans l’acte 4 : 817-819 et 833-839) et met au centre de ce final l’infanticide.

Médée

{NVTRIX} effer citatum sede Pelopea gradum,
Medea, praeceps quaslibet terras pete.
{MEDEA} egone ut recedam? si profugissem prius,
ad hoc redirem. nuptias specto nouas.
quid, anime, cessas? sequere felicem impetum.                                                         895
pars ultionis ista, qua gaudes, quota est?
amas adhuc, furiose, si satis est tibi
caelebs Iason. quaere poenarum genus
haut usitatum iamque sic temet para:
fas omne cedat, abeat expulsus pudor;                                                                       900
uindicta leuis est quam ferunt purae manus.
incumbe in iras teque languentem excita
penitusque ueteres pectore ex imo impetus
uiolentus hauri. quidquid admissum est adhuc,
pietas uocetur. hoc age et faxo sciant                                                                         905
quam leuia fuerint quamque uulgaris notae
quae commodaui scelera. prolusit dolor
per ista noster: quid manus poterant rudes
audere magnum, quid puellaris furor?
Medea nunc sum; creuit ingenium malis:                                                                   910
iuuat, iuuat rapuisse fraternum caput,
artus iuuat secuisse et arcano patrem
spoliasse sacro, iuuat in exitium senis
armasse natas. quaere materiam, dolor:
ad omne facinus non rudem dextram afferes.                                                             915

891-892 nutrix A : om. E (i. e. nuntius, cf. Euripides Med. 1122 Μήδεια, φεῦγε φεῦγε) ; cf. 870-872 quando efferet … gressum ?

895 sequere felicem impetum : sur impetus/ὁρμή cf. 157 ; cf. aussi epist. 31,1 sequere illum impetum animi ; cf. aussi Euripide Med. 1242-1243 ἀλλ' εἶ' ὁπλίζου, καρδία· τί μέλλομεν | τὰ δεινὰ κἀναγκαῖα μὴ πράσσειν κακά;  « Allons ! cuirasse-toi, mon cœur ! Que tardons-nous à accomplir le forfait terrible et nécessaire ! ». 

905 et codd. : en corr. Axelson, Zwierlein

910 Medea nunc sum : accomplissement de 171 Medea – fiam 

quo te igitur, ira, mittis, aut quae perfido
intendis hosti tela? nescioquid ferox
decreuit animus intus et nondum sibi
audet fateri. stulta properaui nimis:
ex paelice utinam liberos hostis meus                                                                        920
aliquos haberet – quidquid ex illo tuum est,
Creusa peperit. placuit hoc poenae genus,
meritoque placuit: ultimum agnosco scelus
animo parandum est: liberi quondam mei,
uos pro paternis sceleribus poenas date.                                                                     925

916 perfido : cf. Catulle 64,132-133 : Virgile Aen. 4,305. 366. 421 ; Ovide Her. 12,37

917 nescio quid ferox cf. Ovide Her. 12,212 nescio quid certe mens mea maius agit

923 agnosco E : magno vM

924-925 liberi quondam mei… poenas date : beaucoup plus explicite la formule d'Euripide Med. 792-793 τέκνα γὰρ κατακτενῶ‎ | τἄμ‎’ « car mes enfants, je les tuerai ».

cor pepulit horror, membra torpescunt gelu
pectusque tremuit. ira discessit loco
materque tota coniuge expulsa redit.
egone ut meorum liberum ac prolis meae
fundam cruorem? melius, a, demens furor!                                                                930
incognitum istud facinus ac dirum nefas
a me quoque absit; quod scelus miseri luent?
scelus est Iason genitor et maius scelus
Medea mater – occidant, non sunt mei;
pereant, mei sunt. crimine et culpa carent,                                                                 935
sunt innocentes, fateor: et frater fuit.
quid, anime, titubas? ora quid lacrimae rigant
uariamque nunc huc ira, nunc illuc amor
diducit? anceps aestus incertam rapit;
ut saeua rapidi bella cum uenti gerunt,                                                                       940
utrimque fluctus maria discordes agunt
dubiumque feruet pelagus, haut aliter meum
cor fluctuatur: ira pietatem fugat
iramque pietas – cede pietati, dolor.

930 melius, a, demens furor ! cf. 139 melius, a melius, dolor 

Des deux émotions amor et ira qui avaient été évoquées dans la quatrième ode chorale, la première change d’objet, de Jason aux enfants : elle est ensuite présentée comme pietas (943-944 ).

huc, cara proles, unicum afflictae domus                                                                   945
solamen, huc uos ferte et infusos mihi  
coniungite artus. habeat incolumes pater,
dum et mater habeat – urguet exilium ac fuga:
iam iam meo rapientur auulsi e sinu,
flentes, gementes – osculis pereant patris,                                                                  950
periere matris. rursus increscit dolor
et feruet odium, repetit inuitam manum
antiqua Erinys – ira, qua ducis, sequor.
utinam superbae turba Tantalidos meo
exisset utero bisque septenos parens                                                                           955
natos tulissem! sterilis in poenas fui – 
fratri patrique quod sat est, peperi duos.

953 ira, qua ducis, sequor, cf. Ovide her. 12,209 quo feret ira, sequar. La Médée d’Euripide s'était exprimée de façon plus analytique : Med. 1078-1079 καὶ μανθάνω μὲν οἷα δρᾶν μέλλω κακά, | θυμὸς δὲ κρείσσων τῶν ἐμῶν βουλευμάτων « Oui, je sens le forfait que je vais oser ; mais la passion l’emporte sur mes résolutions ». 

957 957 fratri patrique quod sat est, peperi duos peut se comprendre comme une allusion à Absyrtos et Éétès, mais aussi à Absyrtos et à Jason (patri).

Médée serre ses enfants dans ses bras : ce geste se situe bien avant dans la pièce d’Euripide (Med. 1069-1077), mais Sénèque a voulu le charger d’une portée symbolique beaucoup plus forte en le déplaçant juste avant l’infanticide ; il en a repris le détail des baisers (950 osculis / 1071 φίλτατον δέ μοι στόμα « lèvres bien aimées »).

quonam ista tendit turba Furiarum impotens?
quem quaerit aut quo flammeos ictus parat,
aut cui cruentas agmen infernum faces                                                                       960
intentat? ingens anguis excusso sonat
tortus flagello. quem trabe infesta petit
Megaera? cuius umbra dispersis uenit
incerta membris? frater est, poenas petit:
dabimus, sed omnes. fige luminibus faces,                                                                965
lania, perure, pectus en Furiis patet.
discedere a me, frater, ultrices deas
manesque ad imos ire securas iube:
mihi me relinque et utere hac, frater, manu
quae strinxit ensem – uictima manes tuos                                                                  970
placamus ista. quid repens affert sonus?

970-971 uictima manes  tuos placamus ista : pour le lexique religieux cf. aussi 1020 litarem, ainsi qu'Euripide Med. 1054 παρεῖναι τοῖς ἐμοῖσι θύμασιν « assister à mon sacrifice » ; Ovide her. 12,160 inferias umbrae fratris habete mei 

Au moment où l’ira s’impose sur la pietas de Médée, les Furies apparaissent. Dans le De ira, Sénèque compare la colère aux Furies, en évoquant également l’image d’une foule de créatures infernales, ainsi que les caractéristiques traditionnelles des serpents, des flammes et des fouets que l’on trouve dans ces vers :

Sénèque dial. 4 = ira 2,35,5 quales sunt hostium uel ferarum caede madentium aut ad caedem euntium aspectus, qualia poetae inferna monstra finxerunt succincta serpentibus et igneo flatu, quales ad bella excitanda discordiamque in populos diuidendam pacemque lacerandam deae taeterrimae inferum exeunt, talem nobis iram figuremus, flamma lumina ardentia, sibilo mugituque et gemitu et stridore et si qua his inuisior uox est perstrepentem, tela manu utraque quatientem (neque enim illi se tegere curae est), toruam cruentamque et cicatricosam et uerberibus suis liuidam, incessus uesani, offusam multa caligine, incursitantem uastantem fugantemque et omnium odio laborantem, sui maxime, si aliter nocere non possit, terras maria caelum ruere cupientem, infestam pariter inuisamque.

parantur arma meque in exitium petunt.
excelsa nostrae tecta conscendam domus
caede incohata. perge tu mecum comes.
tuum quoque ipsa corpus hinc mecum aueham.                                                         975
nunc hoc age, anime: non in occulto tibi est
perdenda uirtus; approba populo manum.  

Jason et Médée

{IASON} quicumque regum cladibus fidus doles,
concurre, ut ipsam sceleris auctorem horridi
capiamus. huc, huc, fortis armiferi cohors,                                                                 980
conferte tela, uertite ex imo domum.
{MEDEA} iam iam recepi sceptra germanum patrem,
spoliumque Colchi pecudis auratae tenent;
rediere regna, rapta uirginitas redit.
o placida tandem numina, o festum diem,                                                                  985
o nuptialem! uade, perfectum est scelus – 
uindicta nondum: perage, dum faciunt manus.
quid nunc moraris, anime? quid dubitas? potens
iam cecidit ira? paenitet facti, pudet.
quid, misera, feci? misera? paeniteat licet,                                                                 990
feci. uoluptas magna me inuitam subit,
et ecce crescit. derat hoc unum mihi,
spectator iste. nil adhuc facti reor:
quidquid sine isto fecimus sceleris perit.
{IA.} en ipsa tecti parte praecipiti imminet.                                                               995
huc rapiat ignes aliquis, ut flammis cadat
suis perusta. {ME.} congere extremum tuis
natis, Iason, funus ac tumulum strue:
coniunx socerque iusta iam functis habent
a me sepulti; gnatus hic fatum tulit,                                                                            1000
hic te uidente dabitur exitio pari.
{IA.} per numen omne perque communes fugas
torosque, quos non nostra uiolauit fides,  
iam parce nato. si quod est crimen, meum est:
me dedo morti; noxium macta caput.                                                                         1005
{ME.} hac qua recusas, qua doles, ferrum exigam.
i nunc, superbe, uirginum thalamos pete,
relinque matres. {IA.} unus est poenae satis.
{ME.} si posset una caede satiari manus,
nullam petisset. ut duos perimam, tamen                                                                   1010
nimium est dolori numerus angustus meo.
in matre si quod pignus etiamnunc latet,
scrutabor ense uiscera et ferro extraham.
{IA.} iam perage coeptum facinus, haut ultra precor,
moramque saltem supplicis dona meis.                                                                      1015
{ME.} perfruere lento scelere, ne propera, dolor:
meus dies est; tempore accepto utimur.
{IA.} infesta, memet perime. {ME.} misereri iubes. – 
bene est, peractum est. plura non habui, dolor,
quae tibi litarem. lumina huc tumida alleua,                                                              1020
ingrate Iason. coniugem agnoscis tuam?
sic fugere soleo. patuit in caelum uia:
squamosa gemini colla serpentes iugo
summissa praebent. recipe iam gnatos, parens;
ego inter auras aliti curru uehar.                                                                                 1025
{IA.} per alta uade spatia sublimi aetheris,
testare nullos esse, qua ueheris, deos.  

982 le principal modèle d’effacement du passé, également fondé sur la geminatio de iam, est Virgile ecl. 4,6 iam redit et Virgo, redeunt Saturnia regna, | iam…, cf. 984 rediere regna, rapta uirginitas redit

989 paenitet facti, pudet : cf. Ovide her. 12,209 facti fortasse pigebit

1012 pignus et 1013 uiscera reprennent des images déjà employées par Médée : cf. 40 per uiscera ipsa et 145 arto pignore astrictam fidem ; pour l'idée d'avortement cf. aussi Ovide am. 2,14,27 uestra quid effoditis subiectis uiscera telis ?, qui deux vers plus loin apporte l’exemple de Médée (29 Colchida respersam puerorum sanguine). 

1021 ingrate Iason : cf. 465 ingratum caput

1022 sic fugere soleo : cf. 449 pro te solebam fugere ; patuit in caelum uia (1022) montre que Médée ne se dirige pas à Athènes, comme chez Euripide (Med. 1384-1385 αὐτὴ δὲ γαῖαν εἶμι τὴν Ἐρεχθέως, | Αἰγεῖ συνοικήσουσα τῶι Πανδίονος.  « Pour moi, je vais sur la terre d’Érechthée partager la demeure d’Égée, fils de Pandion »)
1025 ego inter auras aliti curru uehar correspond à l’accomplissement de la requête du prologue : 32 da, da per auras curribus patriis uehi.

1026 sublimi E : sublime corr. Bothe, Zwierlein

1027 deos reprend le di du premier vers de la pièce, et réalise une parfaite structure en anneau

À la vue de Jason (992 ecce ; 993 spectator iste ; 1001 te uidente), le toit de la maison de Médée devient un théâtre dans le théâtre. Médée renverse sadiquement la situation d’Euripide, où Jason demande inutilement à pouvoir donner une sépulture à ses fils (Med. 1377 θάψαι νεκρούς μοι τούσδε καὶ κλαῦσαι πάρες « Laisse-moi enterrer ces morts et les pleurer ») ; ici elle lui ordonne : funus ac tumulum strue (998). Par un seul hémistiche (1008b unus est poenae satis), Jason demande à Médée de s’arrêter après avoir tué un de ses deux fils, mais Médée ne considère pas ce meurtre comme suffisant à rassasier sa colère (1008b satis, repris par 1009 satiari). Jason demande alors qu’au moins il n’y ait plus d’attente, en renversant inconsciemment la requête que Médée avait adressée à Créon (1015 precor | moramque saltem supplicîs dona meis cf. 288 precor, breuem largire fugienti moram). Même cette possibilité lui est niée : s’étant désormais dissociée de toute fonction maternelle (1012-1013), Médée exploite tout le temps qui lui a été accordé (1017 meus dies est : cf. 295, 399, 421, 423, 749, 877, 985), accomplit le dernier sacrifice et renvoie les cadavres au seul parent qui reste (1024 recipe iam gnatos, parens), avant de prendre la fuite dans le ciel sur un char conduit par des serpents ailés.  Chez Eudipide, en revanche, Médée prenait les corps de ses fils avec elle pour les porter dans le temple d’Héra Acraea, et ne permettait pas à Jason de les toucher (Med. 1378-1414).

Quatrième ode chorale (849-878)

quonam cruenta maenas                                                                                              ia2c
praeceps amore saeuo                                                                                                 850
rapitur? quod impotenti
facinus parat furore?
uultus citatus ira
riget et caput feroci
quatiens superba motu                                                                                                855
regi minatur ultro.
  quis credat exulem?                                                                                                 
flagrant genae rubentes,
pallor fugat ruborem.
nullum uagante forma                                                                                                 860
seruat diu colorem.
huc fert pedes et illuc,  
ut tigris orba natis
cursu furente lustrat
  Gangeticum nemus.                                                                                                  865
frenare nescit iras
Medea, non amores;
nunc ira amorque causam
iunxere: quid sequetur?
quando efferet Pelasgis                                                                                               870
nefanda Colchis aruis
gressum metuque soluet
regnum simulque reges?
nunc, Phoebe, mitte currus
nullo morante loro,                                                                                                      875
nox condat alma lucem,
mergat diem timendum
  dux noctis Hesperus.                                                                                                

849 cruenta maenas cf. 382-386, 806-811.

850 amore saeuo cf. 136 saeuit infelix amor

853 ss. pour la phénoménologie physique des passions, notamment du furor, cf. déjà 380-396 

859 pallor fugat ruborem cf. pour Médée Ovide met. 7,78 erubuere genae, totoque recanduit ore ; Apollonius de Rhodes 3,297-298 ἁπαλὰς δὲ μετετρωπᾶτο παρειάς | ἐς χλόον, ἄλλοτ’ ἔρευθος ; pour Créuse 99-100 ostro sic niueus puniceo color | perfusus rubuit

861 huc fert pedes et illuc : cf. déjà 123-124 incerta uecors mente uesana feror | partes in omnes 

863-865 ut tigris orba natis … Gangeticum nemus : cf. Procné, Gangetica… tigris (Ovide met. 6,636-637). Euripide emploi l’image simple de la lionne pour sa Médée (Med. 187 τοκάδος δέργμα λεαίνης Nourrice : « regard d’une lionne qui a mis bas » ; 1342 λέαιναν, οὐ γυναῖκα Jason : « une lionne, non une femme » ; 1407 παιδοφόνου τῆσδε λεαίνης Jason : « cette infanticide, cette lionne »).

866 frenare nescit iras : cf. effrenae de la première ode (103), en opposition à Jason aptat qui iuga tigribus (85)

870-873 ce thème figurait déjà dans le discours de Créon : 185 liberet fines metu ; 270 libera ciues metu

874-878 invocation à Phébus et à la Nuit (auxquels s’était adressée Médée dans son prologue : respectivement, 32-36 et 9), ainsi qu’à Vesper (invoqué positivement par le chœur en 71-74).

Troisième ode chorale (579-669)

Première série de sept strophes sapphiques : la colère de Médée

  • 579-594 analogies entre la force de la colère et de la haine de Médée et celle des phénomènes naturels qui détruisent les œuvres humaines ;
  • 595-606 la colère s’étend de Médée à Neptune (597 furit) et à l’hubris de Phaethon (601 furiosus), alter-ego de Jason
1re strophe : la flamma (cf. v. 578)

nulla uis flammae tumidiue uenti                                  
tanta, nec teli metuenda torti,                                                                 580
quanta cum coniunx uiduata taedis
    ardet et odit;

2e strophe : l’Auster et le Danube

non ubi hibernos nebulosus imbres
Auster aduexit properatque torrens  
Hister et iunctos uetat esse pontes                                                           585
    ac uagus errat;

3e strophe : le Rhône et la fonte des neiges sur l’Hémus

non ubi impellit Rhodanus profundum,
aut ubi in riuos niuibus solutis
sole iam forti medioque uere
    tabuit Haemus.                                                                                   590

4e strophe : le caecus ignis

caecus est ignis stimulatus ira
nec regi curat patiturue frenos
aut timet mortem: cupit ire in ipsos
    obuius enses.

cf. Virgile Aen. 4,1-2 at regina graui iamdudum saucia cura | uulnus alit uenis et caeco carpitur igni ; l’adjectif saucius désignait Médée chez Ennius Med. 216 Jocelyn Medea animo aegro amore saeuo saucia
5e strophe : appel à la pitié pour Jason

parcite, o diui, ueniam precamur,                                                           595
uiuat ut tutus mare qui subegit.
sed furit uinci dominus profundi
    regna secunda.

596 uiuat cf. v. 20, 140, 141.
597 dominus profundi cf. v. 4 4 profundi saeue dominator maris.
6e strophe : l’hubris de Phaethon

ausus aeternos agitare currus
immemor metae iuuenis paternae                                                           600
quos polo sparsit furiosus ignes
    ipse recepit.

pour le char de Phaethon cf. v. 32-36.
599 ausus  cf. v. 301 et 346 audax ; 318 ausus.
7e strophe : apostrophe à l’humanité

constitit nulli uia nota magno:
uade qua tutum populo priori,
rumpe nec sacro uiolente sancta                                                             605
    foedera mundi.

605 rumpe nec cf. 301-301 qui freta primus |… rupit

Deuxième série de sept strophes sapphiques : les morts funestes des Argonautes

Sénèque associe le voyage des Argonautes aux morts de ceux-ci, qui, dans la tradition mythologique, étaient indépendantes de cette expédition, et relie également, par l’intermédiaire du personnage de Tiphys, le cycle troyen au « crime » argonautique, ce qui confère à ce dernier un caractère encore plus vaste et irréversible. De nombreuses morts ont un caractère dramatiquement ironique, car elles illustrent l’échec des qualités qui caractérisent chaque héros ; souvent, elles comportent aussi les mêmes éléments narratifs tragiques que l’on retrouve dans l’histoire de Médée.

1e strophe : la transgression des ponti iura et le sacrilège de la construction du navire

quisquis audacis tetigit carinae
nobiles remos nemorisque sacri
Pelion densa spoliauit umbra,
quisquis intrauit scopulos uagantes                                                         610
et tot emensus pelagi labores
barbara funem religauit ora
raptor externi rediturus auri,
exitu diro temerata ponti
    iura piauit.                                                                                         615

607 audacis cf. 599 ausus.
608-609 pour le même ὕστερον πρότερον cf. Euripide Med. 1-8 ; Ennius Medea exul 208-216 Jocelyn.
2e strophe : Tiphys

Sénèque institue un lien causal (622 inde) entre la mort de Tiphys, considéré comme le roi de Béotie, et l’arrêt des bateaux d’Agamemnon : les mythes des Argonautes et de la guerre de Troie se retrouvent ainsi réciproquement connectés (ils étaient mentionnés l’un après l’autre par Virgile ecl. 4,34-36 alter erit tum Tiphys… atque iterum ad Troiam magnus mittetur Achilles) :

exigit poenas mare prouocatum:
Tiphys, in primis domitor profundi,
liquit indocto regimen magistro;
litore externo, procul a paternis
occidens regnis tumuloque uili                                                               620
tectus ignotas iacet inter umbras.
Aulis amissi memor inde regis
portibus lentis retinet carinas
    stare querentes.

3e strophe : Orphée

ille uocali genitus Camena,                                                                    625
cuius ad chordas modulante plectro
restitit torrens, siluere uenti,
cui suo cantu uolucris relicto
adfuit tota comitante silua,
Thracios sparsus iacuit per agros,                                                           630
at caput tristi fluitauit Hebro:
contigit notam Styga Tartarumque,
    non rediturus.

630 sparsus… per agros cf. Virgile georg. 4,520-522 matres… sparsere per agros.
4e strophe : Hercule tue les Argonautes Calaïs et Zétès, et Périclymène

strauit Alcides Aquilone natos,
patre Neptuno genitum necauit                                                               635
sumere innumeras solitum figuras:
ipse post terrae pelagique pacem,
post feri Ditis patefacta regna
uiuus ardenti recubans in Oeta
praebuit saeuis sua membra flammis                                                       640
tabe consumptus gemini cruoris,
    munere nuptae.

5e strophe : Méléagre tue Ancée et il est lui-même tué par sa mère, Hylas se noie

strauit Ancaeum uiolentus ictu
saetiger; fratrem, Meleagre, matris  
impius mactas morerisque dextra                                                           645
matris iratae: meruere cuncti – 
morte quod crimen tener expiauit
Herculi magno puer inrepertus,
raptus, heu, tutas puer inter undas?
ite nunc, fortes, perarate pontum                                                            650
    fonte timendo.

6e strophe : morts d’Idmon et Mopsus, Argonautes « voyants », et exil de Pélée

Idmonem, quamuis bene fata nosset,
condidit serpens Libycis harenis;
omnibus uerax, sibi falsus uni
concidit Mopsus caruitque Thebis.                                                         655
ille si uere cecinit futura,
exul errabit Thetidis maritus;
fulmine et ponto moriens Oilei                                                               661
<pro suo gnatus> patrioque pendet                                                         660
                                    crimine poenas

7e strophe : deux pères privés de leurs fils, Oilée et Nauplius, et Admète, gendre de Pélias, le responsable de l’expédition tué par Médée

igne fallaci nociturus Argis                                                                    658
Nauplius praeceps cadet in profundum                                                   659
coniugis fatum redimens Pheraei                                                           662
uxor, impendes animam marito.                                                             663
ipse qui praedam spoliumque iussit
aureum prima reuehi carina                                                                    665
{ustus accenso Pelias aeno}
arsit angustas uagus inter undas.
Iam satis, diui, mare uindicastis:
    parcite iusso.  

668 diui cf. v. 595.
669 parcite cf. v. 595.

Les vers 656-661 posent problème à cause du v. 660 qui, devant l’adonien régulier crimine poenas, présente patrioque pendet, possible hémistiche d’endécasyllabe sapphique qui aurait été déplacé. Le schéma métrique adopté par Sénèque dans cette partie du chœur étant toujours celui de huit endécasyllabes sapphiques suivis d’un adonien, les éditeurs (notamment Peiper, Zwierlein) ont supposé la chute d’un hémistiche devant patrioque pendet (corrigé de plusieurs façons), ont modifié l’ordre reçu des vers et ont considéré le v. 666 comme interpolé, ce qui évite une séquence de neuf endécasyllabes.

Acte 3: Médée et Jason (431-578)

L’échange entre Jason et Médée est scindé en deux scènes chez Euripide (Med. 446-626 et 866-975) ; chez Sénèque, Médée et Jason ne se rencontreront plus jusqu’à la fin de la pièce.

L’aparté de Jason

[IASON] o dura fata semper et sortem asperam,                                                     an3
cum saeuit et cum parcit ex aequo malam
remedia quotiens inuenit nobis deus
periculis peiora: si uellem fidem
praestare meritis coniugis, leto fuit                                                                        435
caput offerendum; si mori nollem, fide
misero carendum. non timor uicit fidem,
sed trepida pietas: quippe sequeretur necem
proles parentum. sancta si caelum incolis
Iustitia, numen inuoco ac testor tuum:                                                                   440
nati patrem uicere. quin ipsam quoque,
etsi ferox est corde nec patiens iugi,  
consulere natis malle quam thalamis reor.
constituit animus precibus iratam aggredi – 
atque ecce, uiso memet exiluit, furit,                                                                     445
fert odia prae se: totus in uultu est dolor.

Aparté de Jason, fondé sur le conflit entre fides et pietas, cette dernirère étant déterminante (cf. aussi infra, v. 545). Le public sait qu’il n’est pas vrai que Médée «préfère le sort de ses enfants à son mariage» (v. 443); d’ailleurs, selon le droit romain, une fois le mariage terminé, les fils, qui appartenaient à la famille du père, étaient séparés de leur mère ; perdre son époux correspondait alors à perdre aussi ses enfants. À la fin, Jason croise le regard de Médée (v. 445-446) : l’expression totus in uultu est dolor révèle la même attention à la phénoménologie des passions que l’on avait déjà dans l’échange avec la nourrice (v. 382-396).

Le discours de Médée

[MEDEA] fugimus, Iason, fugimus – hoc non est nouum,
mutare sedes; causa fugiendi noua est:
pro te solebam fugere – discedo, exeo,
penatibus profugere quam cogis tuis.                                                                     450
ad quos remittis? Phasin et Colchos petam
patriumque regnum quaeque fraternus cruor
perfudit arua? quas peti terras iubes?
quae maria monstras? Pontici fauces freti
per quas reuexi nobilem regum manum                                                                 455
adulterum secuta per Symplegadas?
paruamne Iolcon, Thessala an Tempe petam?
quascumque aperui tibi uias, clausi mihi – 
quo me remittis? exuli exilium imperas
nec das. eatur. regius iussit gener:                                                                         460

Pour le topos de l’impossibilité de trouver un lieu sûr et de rentrer en Colchide, cf.
Euripide Med. 502-505 (premier dialogue entre Médée et Jason)
νῦν ποῖ τράπωμαι; πότερα πρὸς πατρὸς δόμους,
 οὓς σοὶ προδοῦσα καὶ πάτραν ἀφικόμην;
 ἢ πρὸς ταλαίνας Πελιάδας; καλῶς γ’ ἂν οὖν
δέξαιντό μ’ οἴκοις ὦν πατέρα κατέκτανον.
« Aujourd’hui, où tourner mes pas ? Est-ce vers la demeure paternelle, que j’ai trahie, ainsi que ma patrie, pour te suivre ? ou vers les malheureuses filles de Pélias ? Le bel accueil qu’elles me feraient à leur foyer, elles dont j’ai tué le père ! » (trad. L. Méridier)

Pour la postérité à Rome de cette forme de διαλογισμός dans le cadre de l’actio oratoire (à partir de l’exemple de la Médée d’Ennius), cf.

  • Cicéron de orat. 3,217 aliud [ uocis genus] miseratio ac maeror, flexibile, plenum, interruptum, flebili uoce [Ennius TRF3231-232 = scen. 217-218 Jocelyn]:

        quo nunc me uortam? quod iter incipiam ingredi?
        domum paternamne? anne ad Peliae filias?

  • Cicéron de orat. 3,214 quid fuit in Graccho, quem tu melius, Catule, meministi, quod me puero tanto opere ferretur? «quo me miser conferam? quo uertam? in Capitoliumne? at fratris sanguine madet. an domum? matremne ut miseram lamentantem uideam et abiectam?» [C. Sempronius Gracchus ORF4 n° 48 frg. 61 a. 121] quae sic ab illo esse acta constabat oculis, uoce, gestu, inimici ut lacrimas tenere non possent.

  • Quintilien 11,3,115-116 …Gracchanum illud: «quo me miser conferam? in Capitolium? ad fratris sanguinem? an domum?» [C. Sempronius Gracchus ORF4 n° 48 frg. 61 a. 121]. (116.) plus enim adfectus in his iunctae exhibent manus, in rebus paruis mitibus tristibus breues, magnis laetis atrocibus exertiores.

 

nihil recuso. dira supplicia ingere:
merui. cruentis paelicem poenis premat
regalis ira, uinculis oneret manus
clausamque saxo noctis aeternae obruat:
minora meritis patiar – ingratum caput,                                                                 465
reuoluat animus igneos tauri halitus
interque saeuos gentis indomitae metus
armifero in aruo flammeum Aeetae pecus,  
hostisque subiti tela, cum iussu meo
terrigena miles mutua caede occidit;                                                                      470
adice expetita spolia Phrixei arietis
somnoque iussum lumina ignoto dare
insomne monstrum, traditum fratrem neci
et scelere in uno non semel factum scelus,
ausasque natas fraude deceptas mea                                                                       475
secare membra non reuicturi senis;
aliena quaerens regna, deserui mea.

Pour le topos des mérites cf.

Euripide Med. 476-482 (premier dialogue entre Médée et Jason)
ἔσωσά σ’, ὡς ἴσασιν Ἑλλήνων ὅσοι
ταὐτὸν συνεισέβησαν Ἀργῶιον σκάφος,
πεμφθέντα ταύρων πυρπνόων ἐπιστάτην
ζεύγλαισι καὶ σπεροῦντα θανάσιμον γύην·
δράκοντά θ’, ὃς πάγχρυσον ἀμπέχων δέρος
σπείραις ἔσωιζε πολυπλόκοις ἄυπνος ὤν,
κτείνασ’ ἀνέσχον σοι φάος σωτήριον.
« Je t’ai sauvé, comme le savent ceux des Grecs qui avec toi s’embarquèrent sur la nef Argo, quand on t’envoya diriger sous le joug les taureaux au souffle de feu, et ensemencer le champ de mort ; et le dragon qui, entourant la toison d’or de ses anneaux aux multiples replis, la gardait, inaccessible au sommeil, c’est le tuant que j’ai fait surgir pour toi la lumière du salut. » (trad. L. Méridier)

Pour les modèles romains, cf. en particulier :

  • 466 igneos… halitus, cf. Ov. met. 7,115-116 ignes… anhelatos
  • 470 terrigena miles mutua cede occidit, cf. Ov.  met. 7,141 terrigenae pereunt per mutua uulnera fratres
  • cf. aussi trag. inc. 172-173 Ribbeck3 = TrRF I adesp. 136 (= Enn. scaen. 274-275 V.2, cf. p. 350 J.) ap. Char. 372,21-24 Barwick : non <com>memoro quod draconis saeui sopiui impetum, | non quod domui uim taurorum et segetis armatae manus.

 

per spes tuorum liberum et certum larem,
per uicta monstra, per manus, pro te quibus
numquam peperci, perque praeteritos metus,                                                        480
per caelum et undas, coniugi testes mei,
miserere, redde supplici felix uicem.
ex opibus illis, quas procul raptas Scythae
usque a perustis Indiae populis agunt,
quas quia referta uix domus gazas capit,                                                               485
ornamus auro nemora, nil exul tuli
nisi fratris artus: hos quoque impendi tibi;
tibi patria cessit, tibi pater frater pudor – 
hac dote nupsi. redde fugienti sua.

Pour l’image de la dot de Médée cf.
Ovide Her. 12,199-203
dos ubi sit, quaeris? campo numerauimus illo
qui tibi laturo uellus arandus erat.
aureus ille aries uillo spectabilis alto
dos mea, quam, dicam si tibi “redde!” neges,
dos mea tu sospes; dos est mea Graia iuuentus.

L’échange entre Médée et Jason

[IA.] perimere cum te uellet infestus Creo,                                                            490
lacrimis meis euictus exilium dedit.

Pour cette référence, cf. v. 183-184.


[ME.] poenam putabam: munus, ut uideo, est fuga.
[IA.] dum licet abire, profuge teque hinc eripe:
grauis ira regum est semper. [ME.] hoc suades mihi,
praestas Creusae: paelicem inuisam amoues.                                                        495
[IA.] Medea amores obicit? [ME.] et caedem et dolos.
[IA.] obicere crimen quod potes tandem mihi?  
[ME.] quodcumque feci. [IA.] restat hoc unum insuper,
tuis ut etiam sceleribus fiam nocens.
[ME.] tua illa, tua sunt illa: cui prodest scelus,                                                      500
is fecit – omnes coniugem infamem arguant,
solus tuere, solus insontem uoca:
tibi innocens sit quisquis est pro te nocens.

Pour le recours au langage de la responsabilité juridique cf.
Ovide her. 12,131-132
ut culpent alii, tibi me laudare necesse est,
pro quo sum totiens esse coacta nocens.


[IA.] ingrata uita est cuius acceptae pudet.
[ME.] retinenda non est cuius acceptae pudet.                                                       505

505. Pour cette sorte de sententia philosophique, cf. par exemple Sénèque epist. 70,6 bene autem mori est effugere male uiuendi periculum.

[IA.] quin potius ira concitum pectus doma,
placare natis. [ME.] abdico eiuro abnuo – 
meis Creusa liberis fratres dabit? [IA.] regina natis exulum, afflictis potens.
[ME.] ne ueniat umquam tam malus miseris dies,                                                 510
qui prole foeda misceat prolem inclitam,
Phoebi nepotes Sisyphi nepotibus.

Médée proclame la supériorité de son lignage. Pour la possibilité que ses fils soient mélangés à ceux de Créuse, cf., dans la perspective de Jason:
Euripide Med. 562-565 (premier dialogue entre Médée et Jason)
(ἀλλ’ ὡς…) παῖδας δὲ θρέψαιμ’ ἀξίως δόμων ἐμῶν
σπείρας τ’ ἀδελφοὺς τοῖσιν ἐκ σέθεν τέκνοις
ἐς ταὐτὸ θείην καὶ ξυναρτήσας γένος
εὐδαιμονοίην.
«(Je voulais) procurer à mes fils une éducation digne de ma maison, et donnant des frères aux enfants nés de toi, les mettre sur le même pied, et, par l’union de ma race, fonder mon bonheur. » (trad. L. Méridier)

[IA.] quid, misera, meque teque in exitium trahis?
abscede, quaeso. [ME.] supplicem audiuit Creo.
[IA.] quid facere possim, loquere. [ME.] pro me uel scelus.                                  515
[IA.] hinc rex et illinc – [ME.] est et his maior metus
Medea. nos †confligere. certemus sine,
sit pretium Iason.

518. renversement de la perspective du chœur qui avait considérée Médée comme pretium (v. 361).

                                     [IA.] Cedo defessus malis.
et ipsa casus saepe iam expertos time.
[ME.] Fortuna semper omnis infra me stetit.                                                         520

Pour cette sorte de sententia philosophique, cf. par exemple Sénèque uit. beat. 5,3 quid enim supra eum potest esse qui supra fortunam est ? ; epist. 71,30 sapiens quidem uincit uirtute fortunam

[IA.] Acastus instat. [ME.] propior est hostis Creo:
utrumque profuge. non ut in socerum manus
armes nec ut te caede cognata inquines
Medea cogit: innocens mecum fuge.
[IA.] et quis resistet, gemina si bella ingruant,                                                       525
Creo atque Acastus arma si iungant sua?  
[ME.] his adice Colchos, adice et Aeeten ducem,
Scythas Pelasgis iunge: demersos dabo.
[IA.] alta extimesco sceptra. [ME.] ne cupias uide.
[IA.] suspecta ne sint, longa colloquia amputa.                                                      530
[ME.] nunc summe toto Iuppiter caelo tona,
intende dextram, uindices flammas para
omnemque ruptis nubibus mundum quate.
nec deligenti tela librentur manu
uel me uel istum: quisquis e nobis cadet                                                                535
nocens peribit, non potest in nos tuum
errare fulmen. [IA.] sana meditari incipe
et placida fare. si quod ex soceri domo
potest fugam leuare solamen, pete.

Pour l’offre d’assistance matérielle cf.
Euripide Med. 610-615 (premier dialogue entre Médée et Jason)
ἀλλ’, εἴ τι βούληι παισὶν ἢ σαυτῆι φυγῆς
προσωφέλημα χρημάτων ἐμῶν λαβεῖν,
λέγ’· ὡς ἕτοιμος ἀφθόνωι δοῦναι χερὶ
ξένοις τε πέμπειν σύμβολ’, οἳ δράσουσί σ’ εὖ.
«Si tu veux, pour les enfants ou ton propre exil, recevoir de mon bien quelque assistance, parle: je suis prêt à te donner d’une main libérale, et à envoyer des signes de reconnaissance à mes hôtes, qui te traiteront bien. » (trad. L. Méridier)
Sénèque insiste sur le fait que Jason dépend de Créon (ex soceri domo plutôt que χρημάτων ἐμῶν).

[ME.] contemnere animus regias, ut scis, opes                                                      540
potest soletque; liberos tantum fugae
habere comites liceat, in quorum sinu
lacrimas profundam. te noui gnati manent.

Pour le refus de Médée cf.
Euripide Med. 616-618 (premier dialogue entre Médée et Jason)
οὔτ’ ἂν ξένοισι τοῖσι σοῖς χρησαίμεθ’ ἂν
οὔτ’ ἄν τι δεξαίμεσθα, μηδ’ ἡμῖν δίδου·
κακοῦ γὰρ ἀνδρὸς δῶρ’ ὄνησιν οὐκ ἔχει.
«De tes hôtes, je n’userai point, et je ne veux rien recevoir. Garde tes dons; aux pésents d’un pervers il n’est point de profit.» (trad. L. Médirider)
Chez Sénèque Médée formule son refus par une expression qui rappelle l’éthique stoïcienne et demande que ses fils la suivent: dans son dialogue avec Créon, elle semblait en revanche satisfaite de la proposition de Créon de garder les enfants de Médée avec lui (v. 282-290).

[IA.] parere precibus cupere me fateor tuis;
pietas uetat: namque istud ut possim pati,                                                             545
non ipse memet cogat et rex et socer.
haec causa uitae est, hoc perusti pectoris
curis leuamen. spiritu citius queam
carere, membris, luce.

Jason qualifie ses fils de curis leuamen (548), alors que dans les Héroïdes d’Ovide, c’était encore Médée à être qualifiée ainsi: her. 12,77 per mala nostra precor, quorum potes esse leuamen. C’est cette déclaration qui suggère à Médée une stratégie de vengeance, dans un aparté crucial (549-550):

                                                        [ME.] sic natos amat?
bene est, tenetur, uulneri patuit locus. –                                                                 550
suprema certe liceat abeuntem loqui
mandata, liceat ultimum amplexum dare:
gratum est. et illud uoce iam extrema peto,
ne, si qua noster dubius effudit dolor,
maneant in animo uerba: melioris tibi                                                                   555
memoria nostri sedeat; haec irae data
oblitterentur. [IA.] omnia ex animo expuli  
precorque et ipse, feruidam ut mentem regas
placideque tractes: miserias lenit quies.

Pour la fausse soumission de Médée, cf.
Euripide Med. 869-973 (second dialogue entre Médée et Jason)
Ἰᾶσον, αἰτοῦμαί σε τῶν εἰρημένων
συγγνώμον’ εἶναι· τὰς δ’ ἐμὰς ὀργὰς φέρειν
εἰκός σ’, ἐπεὶ νῶιν πόλλ’ ὑπείργασται φίλα.
ἐγὼ δ’ ἐμαυτῆι διὰ λόγων ἀφικόμην
κἀλοιδόρησα…
« Jason, je te prie de me pardonner mon langage passé ; à mes moments d’humeur tu dois être indulgent, après toutes les marques d’amour que nous nous sommes données. Pour moi je me suis raisonnée, et me suis fait des reproches… » (trad. L. Méridier)

Médée et la nourrice

À la différence de l’acte II, où Médée et la nourrice sortaient en même temps que Créon, ici, après la sortie de Jason, Médée reste encore un peu avec la nourrice pour lui dévoiler son plan, pour l’instant limité à Créuse (à la différence d’Euripide Med. 774-799, où figure aussi l’annonce du meurtre des enfants):

[ME.] discessit. itane est? uadis oblitus mei                                                           560
et tot meorum facinorum? excidimus tibi?
numquam excidemus. hoc age, omnis aduoca
uires et artes. fructus est scelerum tibi
nullum scelus putare. uix fraudi est locus:
timemur. hac aggredere, qua nemo potest                                                              565
quicquam timere. perge, nunc aude, incipe
quidquid potest Medea, quidquid non potest.
tu, fida nutrix, socia maeroris mei
uariique casus, misera consilia adiuua.
est palla nobis, munus aetheriae domus                                                                 570
decusque regni, pignus Aeetae datum
a Sole generis, est et auro textili
monile fulgens quodque gemmarum nitor
distinguit aurum, quo solent cingi comae.
haec nostra nati dona nubenti ferant,                                                                     575
sed ante diris inlita ac tincta artibus.
uocetur Hecate. sacra letifica appara:
statuantur arae, flamma iam tectis sonet.

560-562 pour ce langage caractéristique des héroïnes abandonnées, cf. notamment Catulle 64,208 oblito… pectore (ainsi que immemor : 123, 135, 248) ; Ovide her. 12,71 exciderunt mecum loca
568. cf. Ennius Med. 237Jocelyn antiqua erilis fida custos corporis

 

Acte 3: Médée et la nourrice (380-430)

[NVTRIX] alumna, celerem quo rapis tectis pedem?                                               ia3
resiste et iras comprime ac retine impetum.
incerta qualis entheos gressus tulit
cum iam recepto maenas insanit deo
Pindi niualis uertice aut Nysae iugis,
talis recursat huc et huc motu effero,                                                                     385
furoris ore signa lymphati gerens.
flammata facies, spiritum ex alto citat,
proclamat, oculos uberi fletu rigat,
renidet: omnis specimen affectus capit.
haeret: minatur aestuat queritur gemit.                                                                  390
quo pondus animi uerget? ubi ponet minas?
ubi se iste fluctus franget? exundat furor.
non facile secum uersat aut medium scelus;
se uincet: irae nouimus ueteris notas.
magnum aliquid instat, efferum immane impium:                                                 395
uultum Furoris cerno. di fallant metum!

Sénèque ira 1,1,1-5 et 1,2,1-3 exegisti a me, Nouate, ut scriberem quemadmodum posset ira leniri, nec immerito mihi uideris hunc praecipue affectum pertimuisse maxime ex omnibus taetrum ac rabidum. ceteris enim aliquid quieti placidique inest, hic totus concitatus et in impetu doloris est, armorum sanguinis suppliciorum minime humana furens cupiditate, dum alteri noceat sui neglegens, in ipsa irruens tela et ultionis secum ultorem tracturae auidus. (2.) quidam itaque e sapientibus uiris iram dixerunt breuem insaniam. aeque enim impotens sui est, decoris oblita, necessitudinum immemor, in quod coepit pertinax et intenta, rationi consiliisque praeclusa, uanis agitata causis, ad dispectum aequi uerique inhabilis, ruinis simillima, quae super id quod oppressere franguntur. (3.) ut scias autem non esse sanos quos ira possedit, ipsum illorum habitum intuere; nam ut furentium certa indicia sunt audax et minax uultus, tristis frons, torua facies, citatus gradus, inquietae manus, color uersus, crebra et uehementius acta suspiria, ita irascentium eadem signa sunt: (4.) flagrant ac micant oculi, multus ore toto rubor exaestuante ab imis praecordiis sanguine, labra quatiuntur, dentes comprimuntur, horrent ac surriguntur capilli, spiritus coactus ac stridens, articulorum se ipsos torquentium sonus, gemitus mugitusque et parum explanatis uocibus sermo praeruptus et conplosae saepius manus et pulsata humus pedibus et totum concitum corpus magnasque irae minas agens, foeda uisu et horrenda facies deprauantium se atque intumescentium. nescias utrum magis detestabile uitium sit an deforme. (5.) cetera licet abscondere et in abdito alere: ira se profert et in faciem exit, quantoque maior, hoc efferuescit manifestius.
[…] 1,2,1 iam uero si effectus eius damnaque intueri uelis, nulla pestis humano generi pluris stetit.
[…] 1,2,3 et adhuc singulorum supplicia narro: quid si tibi libuerit, relictis in quos ira uiritim exarsit, aspicere caesas gladio contiones et plebem inmisso milite contrucidatam et in perniciem promiscuam totos populos capitis damna<tos> ? * * *

Lactance ira 17,13 nescisse autem philosophos quae ratio esset irae, apparet ex finitionibus eorum quas Seneca enumerauit in libris quos De ira conposuit. ira est inquit cupiditas ulciscendae iniuriae aut, ut ait Posidonius [frg. 155 Edelstein–Kidd], cupiditas puniendi eius a quo te inique putes laesum. quidam ita finierunt: ira est incitatio animi ad nocendum ei qui aut nocuit aut nocere uoluit. Aristotelis definitio non multum a nostra abest. ait enim iram esse cupiditatem doloris reponendi.

  •  SVF iii 416 ap. Nemes. nat. hom. 21 <θυμὸς> δέ ἐστι ζέσις τοῦ περὶ καρδίαν αἵματος ἐξ ἀναθυμιάσεως τῆς χολῆς ἢ ἀναθολώσεως γινομένη· διὸ καὶ χολὴ λέγεται καὶ χόλος. ἔστι δ’ ὅτε καὶ ὁ θυμός ἐστιν ὄρεξις ἀντιτιμωρήσεως· ἀδικούμενοι γὰρ ἢ νομίζοντες ἀδικεῖσθαι θυμούμεθα· καὶ γίνεται τότε μικτὸν τὸ πάθος ἐξ ἐπιθυμίας καὶ θυμοῦ. εἴδη δὲ τοῦ θυμοῦ τρία· <ὀργή>, ἣ καὶ χολὴ καὶ χόλος καλεῖται· <μῆνις> καὶ <κότος. θυμὸς> μὲν γὰρ ἀρχὴν καὶ κίνησιν ἔχων ὀργὴ καὶ χολὴ καὶ χόλος λέγεται. <μῆνις> δὲ χολὴ εἰς παλαίωσιν ἀγομένη· εἴρηται γὰρ παρὰ τὸ μένειν καὶ τῇ μνήμῃ παραδεδόσθαι. <κότος> δὲ ὀργὴ παρατηροῦσα καιρὸν εἰς τιμωρίαν· εἴρηται δὲ καὶ οὗτος παρὰ τὸ κεῖσθαι.
  • SVF iii 395 ap. Stob. 2,7,10 c (= Arius Did. p. 91,10-11) <ὀργὴ> μὲν οὖν ἐστιν ἐπιθυμία <τοῦ> τιμωρήσασθαι τὸν δοκοῦντα ἠδικηκέναι παρὰ τὸ προσῆκον
  • SVF iii 396 ap. Diog. Laert. 7,113 ὀργὴ δ’ ἐπιθυμία τιμωρίας τοῦ δοκοῦντος ἠδικηκέναι οὐ προσηκόντως
  • SVF iii 397 ap. Andron. path. 4 <ὀργὴ> μὲν οὖν ἐστιν ἐπιθυμία τιμωρίας τοῦ ἠδικηκέναι δοκοῦντος
  • Aristote anim. 403a30-31 ὄρεξιν ἀντιλυπήσεως
  • Aristote rhet. 1378a30-32 ἓστω δὴ ὀργὴ ὄρεξις μετὰ λύπης τιμωρίας {φαινομένης} διὰ φαινομένην ὀλιγωρίαν εἰς αὐτὸν ἤ <τι> τῶν αὐτοῦ, τοῦ ὀλιγωρεῖν μὴ προσήκοντος

Arétée de Cappadoce sign. diut. 1,5,3 δοκέει {τε} δέ μοι μανίης γε ἔμμεναι ἀρχὴ καὶ μέρος ἡ μελαγχολίη. τοῖσι μὲν γὰρ μαινομένοισι ἄλλοτε μὲν ἐς ὀργήν, ἄλλοτε δὲ ἐς θυμηδίην ἡ γνώμη τρέπεται, τοῖσι δὲ μελαγχολῶσι ἐς λύπην καὶ ἀθυμίην μοῦνον.

  • yeux : cf. Arétée de Cappadoce sign. diut. 1,6,10 μετεξετέροισι δὲ καὶ ἐνέρυθροι καὶ ὕφαιμοι <οἱ> ὀφθαλμοί
  • respiration et voix : cf. Arétée de Cappadoce sign. diut. 1,6,10 βοῶσι ὀλοφυρόμενοι ἁρπαγὴν ἢ βίην
  • corps : Aristée de Cappadoce sign. diut. 1,6,10 οἱ μὲν θέουσι ἀσχέτως

[MEDEA] si quaeris odio, misera, quem statuas modum,
imitare amorem. regias egone ut faces
inulta patiar? segnis hic ibit dies,
tanto petitus ambitu, tanto datus?                                                                           400
dum terra caelum media libratum feret
nitidusque certas mundus euoluet uices
numerusque harenis derit et solem dies,
noctem sequentur astra, dum siccas polus
uersabit Arctos, flumina in pontum cadent,                                                           405
numquam meus cessabit in poenas furor
crescetque semper – quae ferarum immanitas,
quae Scylla, quae Charybdis Ausonium mare
Siculumque sorbens quaeue anhelantem premens
Titana tantis Aetna feruebit minis?                                                                        410
non rapidus amnis, non procellosum mare
pontusue coro saeuus aut uis ignium
adiuta flatu possit inhibere impetum
irasque nostras: sternam et euertam omnia.
timuit Creontem ac bella Thessalici ducis?                                                           415
amor timere neminem uerus potest.  
sed cesserit coactus et dederit manus:
adire certe et coniugem extremo alloqui
sermone potuit – hoc quoque extimuit ferox;
laxare certe tempus immitis fugae                                                                         420
genero licebat – liberis unus dies
datus est duobus. non queror tempus breue:
multum patebit. faciet hic faciet dies
quod nullus umquam taceat – inuadam deos
et cuncta quatiam. [NVT.] recipe turbatum malis,                                                   425
era, pectus, animum mitiga. [ME.] sola est quies,
mecum ruina cuncta si uideo obruta:
mecum omnia abeant. trahere, cum pereas, libet.
[NVT.] quam multa sint timenda, si perstas, uide:
nemo potentes aggredi tutus potest.                                                                       430

 

Deuxième ode chorale (301-379)

audax nimium qui freta primus
rate tam fragili perfida rupit
terrasque suas posterga uidens  
animam leuibus credidit auris,
dubioque secans aequora cursu                                                                         305
potuit tenui fidere ligno
inter uitae mortisque uices
nimium gracili limite ducto.
nondum quisquam sidera norat,
stellisque, quibus pingitur aether,                                                                      310
non erat usus, nondum pluuias
Hyadas poterat uitare ratis,
non Oleniae lumina caprae,
nec quae sequitur flectitque senex
Arctica tardus plaustra Bootes,                                                                            315
nondum Boreas, nondum Zephyrus
    nomen habebant.
ausus Tiphys pandere uasto
    carbasa ponto
legesque nouas scribere uentis:                                                                         320
nunc lina sinu tendere toto,
nunc prolato pede transuersos
captare notos, nunc antemnas
medio tutas ponere malo,
nunc in summo religare loco,                                                                            325
cum iam totos auidus nimium
nauita flatus optat et alto
rubicunda tremunt sipara uelo.
  candida nostri saecula patres
uidere procul fraude remota.                                                                             330
sua quisque piger litora tangens
patrioque senex factus in aruo,
paruo diues nisi quas tulerat
natale solum non norat opes.  
bene dissaepti foedera mundi                                                                            335
traxit in unum Thessala pinus
iussitque pati uerbera pontum
partemque metus fieri nostri
    mare sepositum.
dedit illa graues improba poenas                                                                       340
per tam longos ducta timores,
cum duo montes, claustra profundi,
hinc atque illinc subito impulsu
uelut aetherio gemerent sonitu,
spargeret arces nubesque ipsas                                                                          345
    mare deprensum.
palluit audax Tiphys et omnes
labente manu misit habenas,
Orpheus tacuit torpente lyra
ipsaque uocem perdidit Argo.
  quid cum Siculi uirgo Pelori,                                                                           350
rabidos utero succincta canes,
omnis pariter soluit hiatus?
quis non totos horruit artus
totiens uno latrante malo?
quid cum Ausonium dirae pestes                                                                       355
uoce canora mare mulcerent,
cum Pieria resonans cithara
    Thracius Orpheus
solitam cantu retinere rates
paene coegit Sirena sequi?                                                                                360
quod fuit huius pretium cursus?
    aurea pellis                                                                                                     361
maiusque mari Medea malum,
merces prima digna carina.
  nunc iam cessit pontus et omnes
    patitur leges:                                                                                                  365
non Palladia compacta manu
regum referens inclita remos
    quaeritur Argo –                                                                                            367
quaelibet altum cumba pererrat.
terminus omnis motus et urbes
muros terra posuere noua,                                                                                 370
nil qua fuerat sede reliquit
    peruius orbis:
Indus gelidum potat Araxen,
Albin Persae Rhenumque bibunt – 
uenient annis saecula seris,                                                                                375
quibus Oceanus uincula rerum
laxet et ingens pateat tellus
Tethysque nouos detegat orbes
nec sit terris ultima Thule.

373-374 cf. Virgile ecl. 1,61-62 ante pererratis amborum finibus exsul | aut Ararim Parthus bibet aut Germania Tigrim. 

379 cf. Virgile georg.1,30 ultima Thule

Horace carm. 1,3
sic te diua potens Cypri,
  sic fratres Helenae, lucida sidera,
uentorumque regat pater
  obstrictis aliis praeter Iapyga,  
nauis, quae tibi creditum                                                                 5
  debes Vergilium: finibus Atticis
reddas incolumem precor
  et serues animae dimidium meae.
illi robur et aes triplex
  circa pectus erat, qui fragilem truci                                               10
conmisit pelago ratem
  primus, nec timuit praecipitem Africum
decertantem Aquilonibus
  nec tristis Hyadas nec rabiem Noti,
quo non arbiter Hadriae                                                                   15
  maior, tollere seu ponere uolt freta.
quem mortis timuit gradum
  qui siccis oculis monstra natantia,
qui uidit mare turbidum et
  infamis scopulos Acroceraunia?                                                    20
nequiquam deus abscidit
  prudens oceano dissociabili
terras, si tamen inpiae
  non tangenda rates transiliunt uada.  
audax omnia perpeti                                                                        25
  gens humana ruit per uetitum nefas,
audax Iapeti genus
  ignem fraude mala gentibus intulit.
post ignem aetheria domo
  subductum macies et noua febrium                                               30
terris incubuit cohors
  semotique prius tarda necessitas
leti corripuit gradum.
  expertus uacuum Daedalus aera
pinnis non homini datis;                                                                  35
  perrupit Acheronta Herculeus labor.
nil mortalibus ardui est:
  caelum ipsum petimus stultitia neque
per nostrum patimur scelus
  iracunda Iouem ponere fulmina.                                                    40

Ennius Medea exul 205-213 Ribbeck3 = 208-216 Jocelyn ap. rhet. Her. 2,34
utinam ne in nemore Pelio securibus
caesa accidisset abiegna ad terram trabes,
neue inde nauis inchoandi exordium                                                  210
cepisset, quae nunc nominatur nomine
Argô, quia Argiui in ea delecti uiri
uecti petebant pellem inauratam arietis
Colchis, imperio regis Peliae, per dolum.
nam numquam era errans mea domo efferret pedem                           215
Medea animo aegro amore saeuo saucia.

Virgile ecl. 4,31. 34-35
pauca tamen suberunt priscae uestigia fraudis
[…]
alter erit tum Tiphys et altera quae uehat Argo  
delectos heroas.

Acte 2 (177-300) : Médée et Créon

{Me.} sed cuius ictu regius cardo strepit?
ipse est Pelasgo tumidus imperio Creo.


{Creo} Medea, Colchi noxium Aeetae genus,
nondum meis exportat e regnis pedem?                                                                     180
molitur aliquid: nota fraus, nota est manus.
cui parcet illa quemue securum sinet?
abolere propere pessimam ferro luem
equidem parabam: precibus euicit gener.
concessa uita est, liberet fines metu                                                                            185
abeatque tuta. – fert gradum contra ferox
minaxque nostros propius affatus petit. – 
arcete, famuli, tactu et accessu procul,
iubete sileat. regium imperium pati
aliquando discat. uade ueloci uia                                                                                190
monstrumque saeuum horribile iamdudum auehe.

Cf. Euripide Med. 271-276 σὲ τὴν σκυθρωπὸν καὶ πόσει θυμουμένην, | Μήδει', ἀνεῖπον τῆσδε γῆς ἔξω περᾶν | φυγάδα, λαβοῦσαν δισσὰ σὺν σαυτῆι τέκνα, | καὶ μή τι μέλλειν· ὡς ἐγὼ βραβεὺς λόγου | τοῦδ' εἰμί, κοὐκ ἄπειμι πρὸς δόμους πάλιν | πρὶν ἄν σε γαίας τερμόνων ἔξω βάλω.

181 molitur aliquid, cf. Euripide Med. 285 σοφὴ πέφυκας καὶ κακῶν πολλῶν ἴδρις ; 402 Μήδεια, βουλεύουσα καὶ τεχνωμένη ; Ovide her. 12,212 nescio quid certe mens mea maius agit!

186 ferox, cf. Euripide Med. 92 ὄμμα… ταυρουμένην ; 187-188 καίτοι τοκάδος δέργμα λεαίνης |  ἀποταυροῦται δμωσίν ; 1342 λέαιναν, οὐ γυναῖκα.

191 monstrumque saeuum horribile, cf. Euripide Med. 1342-1343 τῆς Τυρσηνίδος | Σκύλλης ἔχουσαν ἀγριωτέραν φύσιν.


{Me.} quod crimen aut quae culpa multatur fuga?  
{Cr.} quae causa pellat, innocens mulier rogat.
{Me.} si iudicas, cognosce, si regnas, iube.
{Cr.} aequum atque iniquum regis imperium feras.                                                  195
{Me.} iniqua numquam regna perpetuo manent.
{Cr.} i querere Colchis. {Me.} redeo: qui auexit, ferat.
{Cr.} uox constituto sera decreto uenit.
{Me.} qui statuit aliquid parte inaudita altera,
aequum licet statuerit, haud aequus fuit.                                                                    200
{Cr.} auditus a te Pelia supplicium tulit?
sed fare, causae detur egregiae locus.

195 cf. trag. adesp. 436 Nauck δοῦλε, δεσποτῶν ἄκουε καὶ δίκαια κἄδικα.


{Me.} difficile quam sit animum ab ira flectere
iam concitatum quamque regale hoc putet
sceptris superbas quisquis admouit manus,                                                                205
qua coepit ire, regia didici mea.
quamuis enim sim clade miseranda obruta,
expulsa supplex sola deserta, undique
afflicta, quondam nobili fulsi patre
auoque clarum Sole deduxi genus.                                                                             210
quodcumque placidis flexibus Phasis rigat
Pontusque quidquid Scythicus a tergo uidet,
palustribus qua maria dulcescunt aquis,
armata peltis quidquid exterret cohors
inclusa ripis uidua Thermodontiis,                                                                             215
hoc omne noster genitor imperio regit.
generosa, felix, decore regali potens
fulsi: petebant tunc meos thalamos proci,
qui nunc petuntur. rapida fortuna ac leuis
praecepsque regno eripuit, exilio dedit.                                                                      220
confide regnis, cum leuis magnas opes
huc ferat et illuc casus – hoc reges habent
magnificum et ingens, nulla quod rapiat dies:
prodesse miseris, supplices fido lare
protegere. solum hoc Colchico regno extuli,                                                              225
decus illud ingens Graeciae et florem inclitum,
praesidia Achiuae gentis et prolem deum
seruasse memet. munus est Orpheus meum,
qui saxa cantu mulcet et siluas trahit,
geminumque munus Castor et Pollux meum est                                                        230
satique Borea quique trans Pontum quoque
summota Lynceus lumine immisso uidet,
omnesque Minyae: nam ducum taceo ducem,
pro quo nihil debetur: hunc nulli imputo;
uobis reuexi ceteros, unum mihi.                                                                                235
incesse nunc et cuncta flagitia ingere:
fatebor; obici crimen hoc solum potest,
Argo reuersa. uirgini placeat pudor
paterque placeat: tota cum ducibus ruet
Pelasga tellus, hic tuus primum gener                                                                        240
tauri ferocis ore flagranti occidet.
fortuna causam quae uolet nostram premat,
non paenitet seruasse tot regum decus
quodcumque culpa praemium ex omni tuli,
hoc est penes te. si placet, damna ream;                                                                     245
sed redde crimen. sum nocens, fateor, Creo:
talem sciebas esse, cum genua attigi
fidemque supplex praesidis dextra peti;
terra hac miseriis angulum et sedem rogo  
latebrasque uiles: urbe si pelli placet,                                                                         250
detur remotus aliquis in regnis locus.

218-219 cf. Virgile Aen. 4,534-536 en, quid ago? rursusne procos inrisa priores | experiar, Nomadumque petam conubia supplex, | quos ego sim totiens iam dedignata maritos?

227 praesidia Achiuae gentis, cf. Ovide met. 7,56 titulum seruatae pubis Achiuae 

228 seruasse, cf. Ovide met. 7,50 seruatrix ; Med. frg. 1 Ribbeck3 ap. Quint. inst. 8,5,6 seruare potui. perdere an possim rogas ? 

228. 230 munus, cf. Ovide Her. 12,203 dos mea tu sospes; dos est mea Graia iuuentus !

249-251 cf. Euripide Med. 313-314 τήνδε δὲ χθόνα‎ | ἐᾶτέ μ‎ʼ οἰκεῖν.


{Cr.} non esse me qui sceptra uiolentus geram
nec qui superbo miserias calcem pede,
testatus equidem uideor haud clare parum
generum exulem legendo et adflictum et graui                                                          255
terrore pauidum, quippe quem poenae expetit
letoque Acastus regna Thessalica optinens.
senio trementem debili atque aeuo grauem
patrem peremptum queritur et caesi senis
discissa membra, cum dolo captae tuo                                                                       260
piae sorores impium auderent nefas.
potest Iason, si tuam causam amoues,
suam tueri: nullus innocuum cruor
contaminauit, afuit ferro manus
proculque uestro purus a coetu stetit.                                                                         265
tu, tu malorum machinatrix facinorum,
cui feminae nequitia, ad audendum omnia
robur uirile est, nulla famae memoria,
egredere, purga regna, letales simul
tecum aufer herbas, libera ciues metu,                                                                       270
alia sedens tellure sollicita deos.

261 piae sorores impium, cf. Ovide met. 7,339 his ut quaeque pia est hortatibus impia prima ; her. 12,129 Peliae natas pietate nocentes.

266 malorum machinatrix facinorum, cf. Cicéron Catil. 3,6 horum omnium scelerum improbissimum machinatorem ; Euripide Med. 408-409 ἐς μὲν ἔσθλ' ἀμηχανώταται, |  κακῶν δὲ πάντων τέκτονες σοφώταται.

269-270 cf. Cicéron Catil. 1,10 egredere… purga urbem… me metu liberaueris.


{Me.} profugere cogis? redde fugienti ratem
uel redde comitem – fugere cur solam iubes?
non sola ueni. bella si metuis pati,
utrumque regno pelle. cur sontes duos                                                                       275
distinguis? illi Pelia, non nobis iacet;
fugam, rapinas adice, desertum patrem
lacerumque fratrem, quidquid etiamnunc nouas  
docet maritus coniuges, non est meum:
totiens nocens sum facta, sed numquam mihi.                                                           280

280 cf. Ovide her. 12,132 pro quo sum totiens esse coacta nocens ;  Euripide Med. 507-508 οὓς δέ μ' οὐκ ἐχρῆν κακῶς | δρᾶν, σοὶ χάριν φέρουσα πολεμίους ἔχω.


{Cr.} iam exisse decuit. quid seris fando moras?
{Me.} supplex recedens illud extremum precor,
ne culpa natos matris insontes trahat.
{Cr.} uade: hos paterno ut genitor excipiam sinu.
{Me.} per ego auspicatos regii thalami toros,                                                            285
per spes futuras perque regnorum status,
Fortuna uaria dubia quos agitat uice,
precor, breuem largire fugienti moram,
dum extrema natis mater infigo oscula,
fortasse moriens. {Cr.} fraudibus tempus petis.                                                        290
{Me.} quae fraus timeri tempore exiguo potest?
{Cr.} nullum ad nocendum tempus angustum est malis.
{Me.} parumne miserae temporis lacrimis negas?
{Cr.} etsi repugnat precibus infixus timor,
unus parando dabitur exilio dies.                                                                                295
{Me.} nimis est, recidas aliquid ex isto licet;
et ipsa propero. {Cr.} capite supplicium lues,
clarum priusquam Phoebus attollat diem
nisi cedis Isthmo. – sacra me thalami uocant,
uocat precari festus Hymenaeo dies.                                                                          300

294 cf. Euripide Med. 350 καὶ νῦν ὁρῶ μὲν ἐξαμαρτάνων

297-300 cf. Euripide Med. 352–4  εἴ σ' ἡ 'πιοῦσα λαμπὰς ὄψεται θεοῦ |  καὶ παῖδας ἐντὸς τῆσδε τερμόνων χθονός, | θανῆι· λέλεκται μῦθος ἀψευδὴς ὅδε.

Acte 2 (116-176): Médée et la nourrice

[MEDEA] occidimus: aures pepulit hymenaeus meas.                                               ia3
uix ipsa tantum, uix adhuc credo malum.
hoc facere Iason potuit, erepto patre
patria atque regno sedibus solam exteris
deserere durus? merita contempsit mea                                                                      120
qui scelere flammas uiderat uinci et mare?
adeone credit omne consumptum nefas?

116-117 cf. Ovide her. 12,137-138 et 141 ut subito nostras Hymen cantatus ad aures | uenit […] | pertimui, nec adhuc tantum scelus esse putabam.
118-119 cf. Ovide her. 12,109 proditus est genitor, regnum patriamque reliqui.


incerta uecors mente non sana feror
partes in omnes; unde me ulcisci queam?
utinam esset illi frater! est coniunx: in hanc                                                               125
ferrum exigatur. hoc meis satis est malis?
si quod Pelasgae, si quod urbes barbarae
nouere facinus quod tuae ignorent manus,
nunc est parandum. scelera te hortentur tua
et cuncta redeant: inclitum regni decus                                                                      130
raptum et nefandae uirginis paruus comes
diuisus ense, funus ingestum patri
sparsumque ponto corpus et Peliae senis
decocta aeno membra: funestum impie
quam saepe fudi sanguinem – et nullum scelus                                                          135
irata feci: saeuit infelix amor.

123 cf. Ovide trag. frg. 2 Ribbeck3 ap. Sen. suas. 3,7 feror huc illuc, uae, plena deo


quid tamen Iason potuit, alieni arbitri
iurisque factus? debuit ferro obuium
offerre pectus – melius, a melius, dolor
furiose, loquere. si potest, uiuat meus,                                                                       140
ut fuit, Iason; si minus, uiuat tamen
memorque nostri muneri parcat meo.  
culpa est Creontis tota, qui sceptro impotens
coniugia soluit quique genetricem abstrahit
gnatis et arto pignore astrictam fidem                                                                        145
dirimit: petatur, solus hic poenas luat,
quas debet. alto cinere cumulabo domum;
uidebit atrum uerticem flammis agi
Malea longas nauibus flectens moras.


[NVTRIX] sile, obsecro, questusque secreto abditos                                                   150
manda dolori. grauia quisquis uulnera
patiente et aequo mutus animo pertulit,
referre potuit: ira quae tegitur nocet;
professa perdunt odia uindictae locum.

Cf. Sénèque Agam. 203-204 regina, frena temet et siste impetus | et quanta temptes cogita.
Sénèque Phaedr. 248-249 precor, furorem siste teque ipsa adiuua: | pars sanitatis uelle sanari fuit.
Sénèque ira 2,18,1 aliter iram debemus repellere, aliter compescere.


[ME] leuis est dolor, qui capere consilium potest                                                     155
et clepere sese: magna non latitant mala.
libet ire contra. [NVT.] siste furialem impetum,
alumna: uix te tacita defendit quies.
[ME]  Fortuna fortes metuit, ignauos premit.
[NVT.] tunc est probanda, si locum uirtus habet.                                                       160
[ME]  numquam potest non esse uirtuti locus.
[NVT.] spes nulla rebus monstrat adflictis uiam.
[ME]  qui nil potest sperare, desperet nihil.
[NVT.] abiere Colchi, coniugis nulla est fides
nihilque superest opibus e tantis tibi.                                                                          165
[ME]  Medea superest: hic mare et terras uides
ferrumque et ignes et deos et fulmina.
[NVT.] rex est timendus. [ME] rex meus fuerat pater.  
[NVT.] non metuis arma? [ME] sint licet terra edita.
[NVT.] moriere. [ME] cupio. [NVT.] profuge. [ME] paenituit fugae.                   170
[NVT.] Medea – [ME] fiam. [NVT.] mater es. [ME] cui sim uide.
[NVT.] profugere dubitas? [ME] fugiam, at ulciscar prius.
[NVT.] uindex sequetur. [ME] forsan inueniam moras.
[NVT.] compesce uerba, parce iam, demens, minis
animosque minue: tempori aptari decet.                                                                     175
[ME]  Fortuna opes auferre, non animum potest.

159 cf. Sénèque epist. 94,28 audentis fortuna iuuat [Virg. Aen. 10,284], piger ipse sibi opstat.
161 cf. Sénèque prou. 4,6 calamitas uirtutis occasio est.
163 cf. Sénèque epist. 5,7 desines… timere, si sperare desieris ; const. 9,2 haec effugit sapiens, qui nescit nec in spem nec in metum uiuere.
170 cf. Sénèque epist. 24,25 uir fortis ac sapiens non fugere debet e uita sed exire; 26,10 meditare mortem: qui hoc dicit meditari libertatem iubet ; et ante omnia ille quoque uitetur adfectus qui multos occupauit, libido moriendi ; 60,6 bene autem mori est effugere male uiuendi periculum.
175 cf. Sénèque uit. beat. 7,3,3 beata est ergo uita conueniens naturae suae, quae non aliter contingere potest quam si primum sana mens est et […] apta temporibus.
176 cf. Accius trag. 619-620 Ribbeck3 = 88-89 Dangel ap. Macr. Sat. 6,1,57 ⨯ – nam si a me regnum Fortuna atque opes | eripere quiuit, at uirtutem nec quiit ; Sénèque uit. beat. 26,3 sapientis quisquis abstulerit diuitias, omnia illi sua relinquet ; ben. 4,10,5 cum omnia illi deerunt, supererit animus.

Première ode chorale (56-115)

                                                                                                                [asmin]
ad regum thalamos numine prospero
qui caelum superi quique regunt fretum
adsint cum populis rite fauentibus.
primum sceptriferis colla Tonantibus
taurus celsa ferat tergore candido;                                                  60
Lucinam niuei femina corporis
intemptata iugo placet, et asperi
Martis sanguineas quae cohibet manus,
quae dat belligeris foedera gentibus
et cornu retinet diuite copiam,                                                        65
donetur tenera mitior hostia.
et tu, qui facibus legitimis ades,
noctem discutiens auspice dextera
huc incede gradu marcidus ebrio,
praecingens roseo tempora uinculo.                                               70
et tu, quae, gemini praeuia temporis,
tarde, stella, redis semper amantibus:
te matres, auide te cupiunt nurus
quamprimum radios spargere lucidos.

62-66 Cf. Ara Pacis Augustae, côté est

                                                                                                                [gl]
uincit uirgineus decor                                                                     75
longe Cecropias nurus,
et quas Taygeti iugis
exercet iuuenum modo
muris quod caret oppidum,
et quas Aonius latex                                                                       80
Alpheosque sacer lauat.
si forma uelit aspici,
cedent Aesonio duci
proles fulminis improbi  
aptat qui iuga tigribus,                                                                    85
nec non, qui tripodas mouet,
frater uirginis asperae,
cedet Castore cum suo
Pollux caestibus aptior.
sic, sic, caelicolae, precor,                                                              90
uincat femina coniuges,
uir longe superet uiros.

                                                                                                              [asmin]
haec cum femineo constitit in choro,
unius facies praenitet omnibus.
sic cum sole perit sidereus decor,                                                   95
et densi latitant Pleiadum greges,
cum Phoebe solidum lumine non suo
orbem circuitis cornibus alligat.
ostro sic niueus puniceo color
perfusus rubuit, sic nitidum iubar                                                   100
pastor luce noua roscidus aspicit.
ereptus thalamis Phasidis horridi,
effrenae solitus pectora coniugis
inuita trepidus prendere dextera,
felix Aeoliam corripe uirginem                                                      105
nunc primum soceris sponse uolentibus.
concesso, iuuenes, ludite iurgio,
hinc illinc, iuuenes, mittite carmina:
rara est in dominos iusta licentia.

102 Cf. Ovide her. 12,105 illa ego, quae tibi sum nunc denique barbara facta 

                                                                                                                        [da⁶]
candida thyrsigeri proles generosa Lyaei,                                      110
multifidam iam tempus erat succendere pinum:
excute sollemnem digitis marcentibus ignem.
festa dicax fundat conuicia fescenninus,
soluat turba iocos – tacitis eat illa tenebris,
si qua peregrino nubit furtiua marito.                                             115

111 Cf. Ovide Met. 7,257-261 … passis Medea capillis | bacchantum ritu flagrantis circuit aras | multifidasque faces in fossa sanguinis atra | tinguit et infectas geminis accendit in aris | terque senem flamma, ter aqua, ter sulphure lustrat.

 

 

Acte 1 (1-55)

                                                                                                                    [ia³]
di coniugales tuque genialis tori,
Lucina, custos quaeque domituram freta
Tiphyn nouam frenare docuisti ratem,
et tu, profundi saeue dominator maris,
clarumque Titan diuidens orbi diem,                                              5
tacitisque praebens conscium sacris iubar
Hecate triformis, quosque iurauit mihi
deos Iason, quosque Medeae magis
fas est precari: noctis aeternae chaos,
auersa superis regna manesque impios                                           10
dominumque regni tristis et dominam fide
meliore raptam, uoce non fausta precor.


nunc, nunc adeste sceleris ultrices deae,
crinem solutis squalidae serpentibus,
atram cruentis manibus amplexae facem,                                      15
adeste, thalamis horridae quondam meis
quales stetistis: coniugi letum nouae
letumque socero et regiae stirpi date.
num peius aliquid? quod precer sponso malum?
uiuat; per urbes erret ignotas egens                                                20
exul pauens inuisus incerti laris,
iam notus hospes limen alienum expetat;
me coniugem opto, quoque non aliud queam
peius precari, liberos similes patri
similesque matri – parta iam, parta ultio est:                                 25

21 Cf. Accius Med. 415 Ribbeck3 = 492 Dangel exul inter hostis exspes expers desertus uagus 

peperi. Querelas uerbaque in cassum sero?  
non ibo in hostes? manibus excutiam faces
caeloque lucem – spectat hoc nostri sator
Sol generis, et spectatur, et curru insidens
per solita puri spatia decurrit poli?                                                 30
non redit in ortus et remetitur diem?
da, da per auras curribus patriis uehi,
committe habenas, genitor, et flagrantibus
ignifera loris tribue moderari iuga:
gemino Corinthos litori opponens moras                                       35
cremata flammis maria committat duo.

27 Cf. Ovide her. 12,155-156 ire animus mediae suadebat in agmina turbae, | sertaque compositis demere rapta comis 
28-31 Cf. Sénèque Phaedr. 677-679 tuque, sidereum caput, | radiate Titan, tu nefas stirpis tuae | speculare? lucem merge et in tenebras fuge

hoc restat unum, pronubam thalamo feram
ut ipsa pinum postque sacrificas preces
caedam dicatis uictimas altaribus.
per uiscera ipsa quaere supplicio uiam,                                          40
si uiuis, anime, si quid antiqui tibi
remanet uigoris; pelle femineos metus
et inhospitalem Caucasum mente indue.
quodcumque uidit Phasis aut Pontus nefas,
uidebit Isthmos. effera ignota horrida,                                           45
tremenda caelo pariter ac terris mala
mens intus agitat: uulnera et caedem et uagum
funus per artus – leuia memoraui nimis:
haec uirgo feci; grauior exurgat dolor:
maiora iam me scelera post partus decent.                                     50
accingere ira teque in exitium para
furore toto. paria narrentur tua
repudia thalamis: quo uirum linques modo?
hoc quo secuta es. rumpe iam segnes moras:
quae scelere parta est, scelere linquenda est domus.                      55  

41 Cf. Pacuvius, Periboea  284-286 Ribbeck3 = frg. 211 Schierl consternare, anime, ex pectore aude euoluere | consilium subito, mens, quod enatumst modo, | qui pacto inimicis mortem et huic uitam offeras 
50 Cf. Ovide her. 12, nescioquid certe mens mea maius agit
51 Cf. Sénèque ira 2,3,5 concitatio animi ad ultionem uoluntate et iudicio pergentis
54 Cf. Virgile georg. 3,42-43 segnis | rumpe moras; Ovide her. 12,47-48 accingere et omnem | pelle moram

Euripide Med. 1-8
εἴθὤφελ Ἀργοῦς μὴ διαπτάσθαι σκάφος
Κόλχων ἐς αἶαν κυανέας Συμπληγάδας,
μηδ’ ἐν νάπαισι Πηλίου πεσεῖν ποτε
τμηθεῖσα πεύκη, μηδ’ ἐρετμῶσαι χέρας
ἀνδρῶν ἀριστέων οἳ τὸ πάγχρυσον δέρος                                          5
Πελίαι μετῆλθον. οὐ γὰρ ἂν δέσποιν’ ἐμὴ
Μήδεια πύργους γῆς ἔπλευσ’ Ἰωλκίας
ἔρωτι θυμὸν ἐκπλαγεῖσ’ Ἰάσονος.

Ennius Medea exul 205-213 Ribbeck3 = 208-216 Jocelyn ap. rhet. Her. 2,34
utinam ne in nemore Pelio securibus
caesa accidisset abiegna ad terram trabes,
neue inde nauis inchoandi exordium                                                  210
cepisset, quae nunc nominatur nomine
Argo, quia Argiui in ea delecti uiri
uecti petebant pellem inauratam arietis
Colchis, imperio regis Peliae, per dolum.
nam numquam era errans mea domo efferret pedem             215
Medea animo aegro amore saeuo saucia.

 

La Médée de Sénèque : naissance d’une héroïne négative

Programme Semestre 2 – 2019-2020 (M2-M4 LC56LA) :
mardi, 12h-14h, bibliothèque de l’UFR de Latin

Tragédie de la mémoire, celle de Médée trouve son origine dans la conscience d’un passé, désormais lointain et révolu, où l’histoire d’amour avec Jason est confinée. Au moment où, après une longue série d’auteurs grecs et latins, Sénèque reprend ce mythe, mémoire et oubli sont encore une présence obsessive, mais le paradigme des amours élégiaques et le topos de la femme séduite et abandonnée laissent la place à la vengeance comme modèle absolu d’excès dans le mal. La déclaration méta-dramatique paria narrentur tua repudia thalamis « on se raconte déjà l’histoire de tes noces : Médée répudiée doit devenir légendaire » (v. 52-53, tr. F. Dupont) suggère une forme de complicité entre le personnage chargé de perpétrer le crime (nefas) et le poète qui s’occupe de la mise en discours de celui-ci. La Médée de Sénèque devient donc une héroïne consciente de son importance littéraire, qui lui assurera une forme d’immortalité. Dans l’éternel conflit entre discours et non-discours, la fabula tragica permet de faire parler ce sur quoi la censure morale voudrait imposer le silence comme forme de damnatio memoriae : la uirtus s’exprime dans l’accomplissement de la vengeance, vivifiée par les passions de l’ira et du furor, et la gloire résulte de la grandeur disproportionnée du nefas. L’importance de la rhétorique et la place que celle-ci accordait aux exempla tragiques jouent un rôle essentiel dans la relecture que Sénèque accomplit du mythe de Médée, pour en faire un paradigme nouveau, une forme de théâtre de la communication d’une redoutable puissance performative, destinée à durer, voire même à s’imposer, dans les siècles.

Le séminaire abordera les aspects historiques, linguistiques et stylistiques, philosophiques et performatifs de la Médée de Sénèque.

Bibliographie

Tous les textes seront fournis et mis en ligne dans le carnet de recherche du séminaire :  https://llhdt.hypotheses.org/. L’édition de référence du théâtre de Sénèque est celle procurée par O. Zwierlein (Oxford Classical Texts, 1986) ; un admirable commentaire scientifique est fourni par A. J. Boyle, Seneca : Medea, Oxford 2014. Pour une introduction à cette problématique cf. G. Damschen – A. Heil – M. Waida, Brill’s Companion to Seneca, Leiden-Boston, Brill 2014, part III, ‘Tragedy’, p. 405-530.

Programme

Bibliographie sélective complémentaire, avec les liens aux travaux en accès libre ou proposés par la BIS :

Abrahamsen, Laura, « Roman Marriage Law and the Conflict of Seneca’s Medea », QUCC 62 1999, 107-121

Arcellaschi, André, Médée dans le théâtre latin d’Ennius à Sénèque, Roma 1990

Aygon, Jean-Pierre, « Torua Erinys: phantasiai de la colère et des Érinyes dans le De ira et les tragédies de Sénèque », Incontri triestini di filologia classica 4, 2004-2005, 181-206

Aygon, Jean-Pierre, Ut scaena, sic uita : mise en scène et dévoilement dans les oeuvres philosophiques et dramatiques de Sénèque, Paris 2016

Bessone, Federica, « Medea, leonessa infanticida. Ovidio, Seneca e un paradosso euripideo », QuadTor 11, 1998, 171-197

Biondi, Giuseppe Gilberto, « Il filosofo e il poeta: Seneca contro Seneca? (Con una postilla sul monologo di Amleto e il De Providentia) », in Paolo Fedeli (a cura di), Scienza, cultura, morale in Seneca, Bari 2001, 17-34

Biondi, Giuseppe Gilberto, Il nefas argonautico. Mythos e logos nella Medea di Seneca, Bologna 1984

Biondi, Giuseppe Gilberto, « Una ipotesi di lettura: lo “stile filosofico” del drammatico Seneca », in Medeas. Versiones de un mito desde Grecia hasta hoy, I, Aurora López-Andrés Pociña eds., Granada 2002, 487-510

Blänsdorf, Jürgen, « “Stoici a teatro?” La Medea di Seneca nell’ambito della teoria della tragedia », RIL 130, 1996, 217-236

Degl’Innocenti Pierini, Rita, « Medea e Canidia, Canidia e Medea: percorsi intertestuali tra Orazio giambico e Seneca tragico », SIFC 106, 2013, 257-266

Degl’Innocenti Pierini, Rita, « Medea tra terra, ‘acque’ e cielo: sul prologo della Medea di Seneca », in L. Landolfi (a c. di), Ibo, ibo qua praerupta protendit iuga/meus Cithaeron. Paesaggi, luci e ombre nei prologhi senecani. Incontri sulla poesia lati

Deschamps, Lucienne, « L’auto-dérision de Sénèque dans sa Médée », REA 104, 2002, 211-218

Dupont, Florence, “Médée” de Sénèque ou comment sortir de l’humanité, Paris 2000

Gamberale, Leopoldo, « Osservazioni sulla Medea di Seneca », in L. Castagna – C. Riboldi (a cura di), Amicitiae templa serena. Studi in onore di Giuseppe Aricò, Milano 2008, I, 619-638

Garelli, Marie-Hélène, « Medée et les mères en deuil : échos, renvois, symétries dans le théâtre de Sénèque », Pal 45 1996, 191-204 = Medeas. Versiones de un mito desde Grecia hasta hoy, I, Aurora López – Andrés Pociña eds., Granada 2002, 549-564

Gazich, Roberto, « Cruenta maenas : sul riuso di un’immagine in Seneca tragico », in L. Castagna – C. Riboldi (a cura di), Amicitiae templa serena. Studi in onore di Giuseppe Aricò, Milano 2008, I, 681-697

Gill, Christopher, « Seneca and selfhood: integration and disintegration », in S. Bartsch – D. Wray (eds.), Seneca and the Self, Cambridge – New York 2009, 65-83

Lefèvre, Eckard, « La Medea di Seneca : negazione del “sapiente” stoico? », in Seneca e il suo tempo, a cura di Piergiorgio Parroni, Roma 2000, 377-393

Liebermann, Wolf-Lüder, « Medea », in G. Damschen & A. Heil (eds), Brill’s Companion to Seneca. Philosopher and Dramatist, Leiden 2014, 459-474

Mazzoli, Giancarlo, « La tragedia di Seneca come eidos del nefas », in G. Mazzoli, Il caos e le sue architetture. Trenta studi su Seneca tragico, Palermo 2016, 431-451

Mazzoli, Giancarlo, « Medea in Seneca: il logos del furor », in Atti delle giornate di studio su Medea, a cura di Renato Uglione, Torino 1997, 93-105 = Medeas. Versiones de un mito desde Grecia hasta hoy, I, Aurora López – Andrés Pociña eds., Granada 2002, 615-625

Mazzoli, Giancarlo, « Seneca tragico: le architetture del chaos », Dioniso 5, 2006, 106-117

Nussbaum, Martha C., « Serpents in the soul: A reading of Seneca’s Medea », in Ead., A Therapy of desire, Princeton 20092, 439-483

Perutelli, Alessandro, « Il primo coro della Medea di Seneca », MD 23, 1989, 99-117

Rosati, Giampiero, « Sangue sulla scena: un precetto oraziano (Ars poet. 185) e la Medea di Seneca », in Varietà d’harmonia et d’affetto, Studi in onore di Giovanni Marzi per il suo lxxv compleanno, a cura di Antonio Delfino, Lucca 1995, 3-10

Schiesaro, Alessandro, « Passion, reason and knowledge in Seneca’s Tragedies », in The passions in Roman thought and literature, edited by Susanna Morton Braund and Christopher Gill, Cambridge 1997, 89-111

Schiesaro, Alessandro, « Seneca and the denial of the self », in Shadi Bartsch – David Wray (eds.), Seneca and the self, Cambridge – New York 2009, 221-235

Trinacty, Christopher, « Seneca’s Heroides: Elegy in Seneca’s Medea », CJ 103, 2007, 63-78

Venini, Paola, « Seneca vs. Euripide: gnome e contenuti gnomici », QCTC 6-7, 1988-1989, 167-177